Polisi waokoa paka 1000 waliosafirishwa kuchinjwa na kuuzwa kama mutura na sausage

Polisi nchini Uchina wamefanikiwa kuwaokoa paka 1,000 kutoka kwa lori lililokuwa likielekea kwenye kichinjio, vyombo vya habari vilivyounganishwa na serikali vimeripoti.

Kwa mujibu waa taarifa kutoka taifa hilo idadi kubwa ya watu duniani, polisi pia walifanikiwa kuharibu sehemu ya biashara haramu inayouza kwa njia ya udanganyifu nyama ya paka kama nguruwe au kondoo na kuzua wasiwasi wa usalama wa chakula.

Wakipokea dokezo la wanaharakati wa wanyama mapema mwezi huu, maafisa kutoka Zhangjiagang, katika jimbo la mashariki la China la Jiangsu, walinasa gari lililokuwa likitumika kukusanya na kusafirisha paka waliokamatwa, kulingana na chombo cha habari cha serikali ya China The Paper.

Bila uingiliaji kati, kundi hilo lilikuwa na uwezekano wa kuchinjwa na kusafirishwa kusini ili kutumiwa kama mishikaki ya nguruwe na kondoo pamoja na soseji, ripoti hiyo ilisema.

Polisi na mamlaka ya kilimo tangu wakati huo wamewatuma paka hao kwenye makazi jirani, gazeti la The Paper lilisema, baada ya kuzuia shamba ambalo lingeweza kupata dola 20,500.

Ripoti hiyo haikutaja ikiwa kuna watu waliokamatwa, au kama paka walikuwa wamepotea au pet.

Gazeti la The Paper liliripoti kwamba wanaharakati wa wanyama kwanza waliona idadi kubwa ya masanduku ya mbao yaliyotundikwa yakiwa yamebeba paka wengi karibu na kaburi.

Walishika doria mitaani kwa siku sita na lori hilo lilipoanza kuwasafirisha paka hao hadi kichinjioni, waliingilia kati na kuwaita polisi, ripoti ilisema.

Picha zilizochapishwa na gazeti la The Paper zilionyesha paka waliookolewa kwenye makao hayo wakiwa wamepumzika kwenye vizimba vikubwa.

Mwanaharakati mmoja aliyenukuliwa na kituo hicho alisema operesheni hiyo haramu inaweza kuuza pauni moja ya nyama ya paka kwa karibu dola 4 kwa kuwapitisha kama kondoo na nguruwe. Kila paka huwa na uzito wa kilo nne hadi tano baada ya kusindika.

"Baadhi ya watu watafanya yote wanayohitaji kwa sababu ina faida," Gong Jian, mwanaharakati ambaye anajenga hifadhi ya paka waliopotea huko Jiangsu, aliliambia gazeti la The Paper.

Mwanaharakati mwingine Han Jiali, ambaye alisema alishiriki kusimamisha lori, aliambia chombo cha habari cha Uchina kwamba haikuwa mara ya kwanza, na kwamba aliacha biashara haramu kama hiyo hapo awali huko Guangdong, mkoa wa kusini mwa Uchina.