'Baba mbakaji'

Baba wa kambo ashtakiwa kwa kumdhulumu kimapenzi bintiye mwenye umri wa miaka 4

Mshukiwa alikuwa ameachiwa watoto na mama yao

Muhtasari

 

 

  •  Madaktari waliwaita polisi wa Kilimani kumkamata mshukiwa alipokwenda kuwatembelea hospitalini 
  •  Mshukiwa amekanusha mashtaka yote dhidi yake 

 

Hakimu Mkuu Heston Nyaga

 

 Baba mmoja wa kambo ameshtakiwa kwa kuwadhulumu kimapenzi   bintiye mwenye umri wa miaka minne na mwanawe wa kiume mwenye umri wa miaka mitatu.

 Mshukiwa alifikishwa mbele ya hakimu mkuu wa Makadara siku ya ijumaa .Anashtumiwa kwa kutekeleza  kosa hilo tarehe 16 mwezi huu Kibra ,Makina .

 Katika kosa la pili  mshukiwa  anashtumiwa kwa kumdhulumu kimapenzi mtoto wa siku nne siku iyo hiyo .katika mashtaka yote mawili  mshukiwa amekabiliwa na kosa mbadala la kuwafanyoa watoto vitendo visivyofaa .

 Kulingana na stakabadhi za mahakama , tukio hilo lilifanyika wakati  mama ya watoto hao alipowaacha na mshukiwa ili kwenda msalani .

 Aliporejea mwanamke huyo aligundua kwamba wanawe walikuwa wakipitia uchungu . mtoto  wake wa kiume alikuwa amefura mdomo  na kupata matatizo kuketi chini ilhali mtoto wa kike alikuwa na majeraha katika sehemu zake za siri .

 Mume wake alikanusha kuwasababishia majeraha watoto hao . Baadaye mwanamke huyo aliwapeleka watoto hao hospitalini ambapo ilithibitishwa kwamba walikuwa wamedhulumiwa kingono  .

 Mshukiwa alikamatwa novemba tarehe 17  alipokwenda hospitalini kuwatembelea waathiriwa  .madaktari waliwaarifu polisi wa kituo cha Kilimani waliokuja na kumkamata mshukiwa .

 Amekanusha mashtaka dhidi yake  na upande wa mashtaka umetaka kumzuilia kwa muda zaidi

 Hakimu mkuu Heston Nyaga ameagiza mshukiwa kuzuiliwa hadi jumatano wiki ijayo kwa maelezo zaidi