Kikosi chaundwa kukabiliana na polisi ‘watundu wa Trafiki’

Makao makuu ya polisi yametuma vikosi maalum  vya maafisa wa kukabiliana na polisi wa trafiki watundi ambao wameendelea kuweka vizuizi vya kudumu barabarani .

 Hi ni  licha ya inspekta mkuu wa polisi Hillary Mutyambai kuagiza kwamba vizuizi vya kudumu viondolewe katika barabara kuu na badala  vitumie vizuizi vya muda  .

 Kwa mfano katika eneo la Rift Valley  ambako kuna barabara kubwa inayounganisha  Kenya-Uganda-Tanzania-Rwanda -Sudan Kusini-DR Congo  maafisa wa trafiki wangali wanatumia vizuizi vya barabarani licha ya kukatazwa kufanya hivyo .

 Kamanda wa polisi wa eneo hilo Marcus Ocholla  amesema aligundua ongezko la vizuzi vya muda vinavyowekwa na polisi ili kujinufaisha kibinafasi  na sio kuwakabili wanaokiuka sheria za trafiki .

 Vizuizi vya barabarani vinafaa kuwekwa baada ya idhini kutolewa na  makanda wa maeneo wa vikosi katika  maeneo  .

 Amewaonya makanda wa wadi na kaunti  ndogo ambako vizuizi hivyo vitapatikana watachukuliwa hatua na kuhamishwa .

 Hatua hiyo ni ya hivi punde ya usimamizi wa polisi kukabiliana na polisi wakaidi wa trafiki ambao wameunda mseto mbadala wa sheria za kutekelezwa  barabarani .

 Mutyambai   aliagiza vizuizi kuwekwa tu kupitia idhini ya makamanda wa maeneo na pasiwe na Zaidi ya polisi 10 katika majukumu ya kusimamia vituo hivyo .

 Alifichua kwamba makamanda watawajibikia maovu yanayotekelezwa na polisi katika maeneo yao ambao wamepewa jukumu la kusimamia vizuizi hivyo vinavyofaa kuwekwa katika maeneo Fulani pekee kwenye barabara kuu za humu nchini .Baadhi ya njia  hizo  ni ;

1. Mombasa-Malindi
2. Mobasa-Lungalunga
3. Mombasa-Mackinon
4. Mackinon-Voi-Mwatate-Taveta
5. Voi-Mtito Andei
6. Mtito Andei-Sultan Hamud
7. Sultan Hamud-Machakos Kyunvi Junction
8. Thika-Mwingi
9. Athi River-Kajiado-Namanga
10. Nairobi-Thika-Muranga
11. Ruiru-Kiambu-Limuru
12. Muranga-Nyeri
13. Nyeri-Nanyuki
14. Nyeri-Nyahururu-Nakuru
15. Mwea-Embu
16. Meru-Isiolo-Nanyuki
17. Garisa-Mwingi
18. Nairobi-Kinungi
19. Kinungi-Nakuru
20. Nakuru-Mlango Nne
21. Mlango Nne-Eldoret
22. Eldoret-Kitale-Kapenguria
23. Maimahiu-Narok
24. Narok-Bomet
25. Bomet-Kisii
26. Homabay-Kisumu
27. Kisumu-Busia
28. Busia-Malaba-Bungoma
29. Mau Summit-Kerocho-Kisumu
30. Webuye-Kakamega-Kisumu.