Washukiwa 2 wa ujambazi wakamatwa,bunduki 2 zapatikana

Mshukiwa wa ujambazi na vurugu amekamatwa na bunduki mbili zinazohusishwa na wizi mbalimbali katika kaunti za Nairobi, Nakuru, Kiambu, Muranga na Kajiado kupatikana na maafisa wa upelelezi.

Mshukiwa aliyejulikana kama Ezekiel Kiarie ambaye amekuwa akitoroka kwa siku chache zilizopita alikamatwa kando ya barabara ya Limuru alipokuwa akitoroka na familia yake kutoka jijini hadi nyumbani kwake huko Dundori, Kaunti ya Nyandarua.

Maafisa wa upelelezi walinasa gari aina ya Mitsubishi canter namba KAM 231J, iliyokuwa ikisafirisha mshukiwa huyo, wanafamilia yake na mali zao kuelekea Nyandarua, baada ya kubaini kuwa wapelelezi walikuwa wakiwakaribia.

Baada ya kufanya upekuzi ndani ya gari hilo, bunduki aina ya Czeska bastola yenye namba B022944 ikiwa na magazine iliyokuwa na risasi 2 za 9mm na bastola CZ P-07 yenye namba C626319 ikiwa na magazine yenye risasi 12 za 9mm caliber zilipatikana.

Silaha hizo zimekuwa zikihusishwa na matukio mbalimbali ambapo wahanga wamepoteza fedha mara baada ya kufanya miamala katika benki.

Washukiwa wawili David Mwangi almaarufu Mzae na Ezekiel Kiarie Njoki wanazuiliwa kwa sasa wakihojiwa kuhusiana na uhalifu wao, kabla ya kufikishwa mahakamani kesho.