Gachagua atuliza mzozo kati ya MCA wa kiambu na gavana Wamatangi

Naibu Rais Rigathi Gachagua ametoa wito kwa MCA wa Kiambu kuzingatia utoaji huduma.

Akiongea Jumatatu, Naibu Rais alisisitiza kuwa utawala unaoongozwa na Rais William Ruto unazingatia utoaji wa huduma.

"Utawala wa Ruto una mizizi ya Ugatuzi wenye nguvu, na kwa hivyo, hatuna nafasi za kuzozana ambazo zitatatiza utoaji wa huduma kwa wananchi," Gachagua alisema.

Alikuwa akizungumza katika makazi yake rasmi huko Karen, ambapo alikuwa akikaribisha wawakilishi Wadi kutoka Kiambu ili kusikiliza maswala yao kabla ya mazungumzo sawa na wabunge wao na baadaye, gavana, kupata suluhisho la amani.

“Serikali ya kitaifa inayoongozwa na Rais William Ruto imenasa msuguano kati ya Gavana wa Kiambu Kimani Wamatangi na uongozi wa kitengo cha ugatuzi kinachoongozwa na wawkilishi Wadi,” Gachagua alisema.

Alisisitiza kuwa ushirikiano wa kutosha wa kufanya kazi pamoja kati ya mawaziri na kitengo cha kutunga sheria cha serikali ya kaunti ni muhimu katika kufikia lengo kuu lakukuza ugatuzi na kudumisha maendeleo.

Mnamo Jumapili, Gachagua alifichua kuwa Rais alikuwa amempa jukumu la kuunganisha uongozi wa kaunti ya Kiambu na wala kutoruhusu kaunti hiyo kusambaratika kisiasa.

Alidokeza 'kelele' zinazotoka kaunti hiyo si nzuri, akibainisha kuwa Kiambu ni mojawapo ya mikoa iliyopigia kura kwa wingi utawala wa Kenya Kwanza.

Kiambu ina MCA 60 waliochaguliwa na 27 waliopendekezwa, ambao wamegawanyika kuhusu uongozi wa Wamatangi

Huku wakichukizwa na uongozi wa Gavana Wamatangi, baadhi ya MCA wa Kiambu wamemtaka gavana wao kubadilika la sivyo watawasilisha hoja ya kumwondoa madarakani.

MCA hao Jumatano walisema wana sababu za kutosha kuwasilisha notisi ya kungamuliwa kwa gavana Wamatangi.

Miradi ya maendeleo hasa ya barabara ilitajwa na MCA hao, ikieleza kuwa mwaka jana wa fedha licha ya kupitishwa kwa bajeti yao, kulikuwa na uboreshaji mdogo sana wa upatikanaji wa barabara, na kubainisha kuwa bado iko katika hali mbaya.

Kutokana na hali hiyo, MCAs walitoa makataa ya siku 21 kwa Wamatangi kujibu tuhuma zinazoelekezwa kwake, ikishindikana wamngoe mamlakani.

Hata hivyo, kundi lingine la angalau MCA 49 lilijitokeza kumtetea Gavana Wamatangi kuhusiana na hatua hiyo ya kuondolewa madarakani.

Peter Mburu, MCA wa Kamenu, akisoma taarifa katika taarifa yake kwa wanahabari nje ya eneo la bunge siku ya Ijumaa alisema kuwa kama bunge, hawako tayari kuchukua mkondo wa kumshtaki.

"Kutokana na taarifa iliyotolewa na baadhi ya wenzetu kuhusiana na uwezekano wa kuondolewa madarakani, sisi tuliochaguliwa katika bunge la kaunti tunasisitiza kwamba Kiambu haijajiandaa kung'atuka kwa Gavana," Mburu alisema.