Kampuni ya Radio Africa inaomboleza kifo cha mwandishi wake Dickens Wasonga aliyefariki mapema siku ya Ijumaa kutokanana ajali mbaya barabarani mjini Kisumu.
Radio Africa Group imewapa pole familia na marafiki wa ripota wa Gazeti la Star wa Kisumu.
Katika taarifa yake, mkuu wa maudhui wa Radio Africa Paul Ilado alisema walipokea "habari mbaya" za kifo chake kwa huzuni kubwa na bado wanazikubali.
"Ni kwa huzuni kubwa na moyo mzito kwamba tunaomboleza kifo cha mwenzetu," Ilado alisema katika taarifa.
Katika pongezi zake, Ilado alisema Wasonga alikuwa mwanahabari aliyejitolea na mwenye kipaji.
"Wasonga hakuwa tu mwanachama wa kuthaminiwa wa timu yetu lakini pia mfano mzuri wa kujitolea, kufanya kazi kwa bidii, na kutegemewa," alisema.
"Alikuwa na msukumo usiyoyumba kwa ustadi wake wake na mara kwa mara alionyesha weledi wake katika uangaziaji wake wa habari hasa siasa zilizomletea heshima na kupendwa na wenzake na jamii nzima," aliongeza.
Kujitolea kwake kufichua ukweli na juhudi zake zisizoyumba za uadilifu wa uandishi wa habari, aliboresha sifa zake kama mwandishi wa habari anayeheshimika na kupendwa.
Alibainisha kuwa zaidi ya mafanikio yake ya kitaaluma, Wasonga alikuwa mtu mchangamfu na mwenye urafiki ambaye alikuza uhusiano mzuri na wale walio karibu naye.
“Tabia yake ya kupendeza na moyo wa huruma viligusa maisha ya wengi, na hivyo kuwaacha wengi waliokuwa karibu naye na kumbukumbu zisizofutika,” alisema Ilado.
Uzuri wake, alibainisha, utaendelea kuhamasisha na kuliongoza wengi wanapojitahidi kuzingatia kanuni na maadili aliyokuwa anayathamini.
Wasonga alihusika katika ajali wakati gari lake lilipohusika katika ajali eneo la Mamboleo kwenye barabara ya Kakamega-Kisumu.
Hadi kifo chake, alikuwa mwenyekiti wa Muungano wa Wanahabari wa Kisumu (KJN) baada ya kuchaguliwa Novemba 2023.
