Rais Dkt. William Ruto ameteua kamati ya kutathmini mfumo mpya wa ufadhili wa masomo ya vyuo vikuu.
Kamati hiyo imeundwa kwa misingi ya kamati nne ndogo ambazo ni kamati za kuboresha mfumo mpya wa ufadhili wa vyuo vikuu na taasisi, kamati ya kuangazia rufaa zinazotokana na malalamishi ya uainishaji wa wanafunzi katika vitengo vya ufadhili, kamati ya kuunda mikopo ya wanafunzi na kamati ya kuangazia gharama ya programu za kitaaluma za vyuo vikuu.Mathew Rotich na Joseph Musyoki watahudumu kama makatibu chini ya Agnes Mercy Wahome na Josphat Nzuki.
Prof Japheth Micheni Ntiba ameteuliwa kuwa mwenyekiti wa jumla ambapo atafanya kazi pamoja na wanachama wa kamati hiyo ikiwemo wenyekiti wa kamati ndogo nne na makatibu wao.
Kamati ya kuangazia mfumo wa ufadhili wa vyuo vikuu na taasisi za mafunzo ua ufundi stadi (TVETs) itahusisha Prof. Karuti Kanyiga kama mwenyekiti akisaidiwa na Dibora Zainab Hirbo na wanachama wengine 30
Moses Njeru na Jemima Onsare ndio makatibu wa pamoja na ambao wataripoti kwa Diana Mutisya na Alex Kibet.
Walubengo Waningilo naye ataongoza kamati ya kushughulikia malalamiko yaliyoibuka kutokana na uainishaji wa wanafunzi katika vitengo vya kupokea ufadhili na mikopo ya serikali. Atasaidiwa na Lucy Machugu kama naibu mwenyekiti.
Kamati hiyo ina jumla ya wanachama 25. Margaret Campbell na Allan Chacha wanaongeza idadi hiyo wakiwa makatibu ambao watawasilisha matokeo yao kwa Darius Mogaka na Kingori Ndegwa.
Nayo kamati ya itakayohusika na muundo wa mikopo ya wanafunzi itasimamiwa na Robert Oduor Otieno akiwa mwenyekiti na Aaron Kiprotich Bett akiwa naibu mwenyekiti.
Tiberius Barasa na Clarise Osore ndio makatibu kwa sekritariati ya Geoffrey Monari na Emmanuel Abook katika kamati hiyo yenye wanachama 18.
Kamati ya kuhakiki gharama za programu za vyuo vikuu itasimamiwa na Prof. Mohamed S. Rajab kwa usaidizi wa Patrick Malanga na jumla ya wanachama 31.
