Faith Kipyegon aweka rekodi mpya ya dunia mbio za 5000m, wiki baada ya rekodi ya 1500m

Mwanariadha wa mbo ndefu wa Kenya Faith Kipyegon mwenye weledi katika mbio za 1,500, Ijumaa jioni alivunja rekodi ya dunia ya mita 5,000 kwa wanawake kwa kukimbia kwa kasi 14:05.20 katika Ligi ya Diamond ya Paris.

Rekodihiyo mpya ya dunia inajiri wiki moja tu baada ya Kipyegon kufutilia mbali rekodi ya dunia ya mita 1,500 kwa wanawake kwa kukimbia 3:49.11 katika Ligi ya Diamond ya Florence.

Akicheza kwa mara ya kwanza katika Ligi ya Diamond kwa zaidi ya mita 5,000, Kipyegon alichuana na wanariadha waliobobea akiwemo mshikilizi wa rekodi ya dunia katika mbio hizo Letesenbet Gidey wa Ethiopia na mshindi wa zamani wa medali ya fedha duniani Margaret Chelimo.

Kipyegon alimfuata Gidey ambaye aliongoza kwa sehemu kubwa zaidi ya mbio hizo kabla ya Mkenya huyo kuachia mkwaju wake wa mwisho wa kutisha ambao ulimfanya kuvunja rekodi ya dunia huku Gidey akimaliza wa pili kwa dakika 14:07.94.

“Hapana, sikufikiria kuhusu rekodi ya dunia, sijui nilifanikiwaje,” alisema Kipyegon, ambaye alibubujikwa na machozi baada ya kuvuka mstari huo.

"Nilizingatia tu mwanga wa kijani na kujaribu kukaa na kufurahia mbio.

"Nilifanya tu mbio na nilitaka kuona nini kinatokea. Nilipoona kwamba ilikuwa rekodi ya dunia nilishangaa sana. Ilikuwa ni juu ya kutoa bora zaidi. Nilitaka tu kuboresha ubora wangu binafsi, rekodi ya dunia haikuwa kwenye mpango wangu."

Gidey alibaki nyuma huku Mkenya huyo, bingwa wa dunia mara mbili na Olimpiki katika mbio za mita 1500, akipiga kengele mbele.

Muethiopia huyo alitishia kurejea katika mbio za mita 200 za mwisho, lakini Kipyegon aliharakisha hadi nyumbani moja kwa moja katika kiwango bora kabisa cha kukimbia umbali, kama alivyofanya huko Florence wiki iliyopita.

Gidey alimaliza wa pili kwa muda wa 14:07.94 huku Muethiopia mwingine, Ejgayehu Taye, mshikilizi wa rekodi ya dunia zaidi ya kilomita 5, akiibuka wa tatu (14:13.31)

Kipyegon alikuwa ameratibiwa kurejea kwa kambi ya mazoezi nchini Kenya kabla ya kurejea Ulaya kwa jaribio lingine linaloweza kurekodiwa zaidi ya mita 1500 kwenye mechi ya Monaco Diamond League mnamo Julai 21.