Timu ya Chelsea ndiyo yenye kikosi cha bei ghali mno katika hisitora ya soka, UEFA yasema

Chelsea wameunda kikosi chenye gharama kubwa zaidi kuwahi kuundwa katika soka.

Kulingana na ripoti ya kila mwaka ya fedha iliyochapishwa na UEFA, Gharama ya jumla ya uhamisho ya €1.656bilioni (£1.39bilioni) inawaweka Blues katika nafasi ya juu ya orodha ya matumizi linapokuja suala la kuunda kikosi cha wachezaji, huku kiwango hicho kikipita kwa mbali Manchester City walio katika nafasi ya pili, ambao gharama ya kikosi chao ni €1.294bilioni (£1.09bilioni).

Tangu kuchukuliwa kwa klabu hiyo na muungano unaoongozwa na bilionea wa Marekani Todd Boehly na kampuni binafsi ya usawa Clearlake Capital, Chelsea wamekimbilia sana sokoni kama sehemu ya mkakati wa muda mrefu kwa wachezaji.

 Klabu hiyo imevunja rekodi ya uhamisho wa Uingereza mara mbili katika kipindi cha miezi 12 na ununuzi wa Enzo Fernandez kwa ada ya  £ 105 milioni kutoka Benfica, na Moises Caicedo kwa £ 115 milioni kutoka Brighton & Hove Albion.

Mengine makubwa kwa wachezaji ni pamoja na usajili wa Mykhailo Mudryk, Marc Cucurella, Wesley Fofana, Romeo Lavia, Christopher Nkunku na Pedro Neto, miongoni mwa wengine.

Klabu hiyo ikiwa imetumia kanuni ambazo ziliwaruhusu kupunguza gharama za ada za uhamisho kwa zaidi ya miaka minane na tisa kabla ya UEFA na Ligi Kuu ya England kuhamia katika kipindi cha miaka mitano.

Licha ya matumizi makubwa ya fedha, mafanikio hadi sasa yameiondokea Chelsea chini ya utawala wa Boehly/Clearlake, huku klabu hiyo ikiwa tayari imepitia wakufunzi Thomas Tuchel, Mauricio Pochettino na Enzo Maresca ambaye yuko Stamford Bridge kwa sasa.

The Blues, washindi wa Ligi ya Mabingwa Ulaya mwaka 2021, wameshindwa kuingia katika nafasi nne za juu katika Ligi Kuu kwa misimu miwili iliyopita na wanakabiliwa na vita vya kupata nafasi ya kucheza Ligi ya Mabingwa Ulaya kwa msimu ujao wakiwa wamebakisha mechi 11 ili  kumaliza angalau  katika nafasi ya tano mwishoni mwa ligi.

Vilabu vingine vilivyoingia katika tano bora ya orodha ya UEFA, ambayo ilikuwa sehemu ya ripoti ya kila mwaka ya Fedha na Uwekezaji wa vilabu vya Ulaya, Manchester United ilichukua nafasi ya tatu (£ 920m), Arsenal katika nafasi ya nne (£ 860m) na Real Madrid katika nafasi ya tano (£ 775.9 milioni).