• Vitendo vya Rudiger vinakuja kama jibu kwa suala la magonjwa ya miguu nchini Sierra Leone.
Image: Twitter
Mchezaji wa kimataifa wa Ujerumani Antonio Rudiger amekubali kutoa baadhi ya mapato yake atakayoyapata kutokana na kushiriki Kombe la Dunia ili kufadhili upasuaji wa kubadilisha maisha ya watoto nchini Sierra Leone.
Beki huyo wa Real Madrid - ambaye alianzisha The Antonio Rudiger Foundation For Sierra Leone mwezi Januari - amesaidia kufadhili taratibu za watoto wasiojiweza nchini humo kwa muda mrefu.
Huku Kombe la Neno likikaribia, Rudiger anasema michango yake kwa shirika la hisani la BigShoe ni 'jambo la heshima' na kwamba 'angependa kutekeleza miradi mingi zaidi nchini Sierra Leone'.
Vitendo vya Rudiger vinakuja kama jibu kwa suala la magonjwa ya miguu nchini Sierra Leone. Ni suala ambalo linaathiri watoto wengi katika maisha yao yote.
Beki huyo wa zamani wa Chelsea alieleza: ‘’Inauma kuona mazingira ambayo watoto wa Sierra Leone wanakua. Wakati wa upasuaji, upangaji mbaya hurekebishwa kabla ya wagonjwa kutembea na kushiriki katika maisha ya kijamii, baada ya miezi kadhaa ya matibabu ya ufuatiliaji,"
“Nchini Ujerumani nimepewa fursa ambazo watu wengi nchini Sierra Leone wananyimwa. Ninashukuru kwa fursa hizi na ninathamini sana nafasi ya upendeleo ninayojikuta. Leone pamoja na familia yangu katika siku zijazo. Kusaidia hapa ni jambo la heshima kwangu. Ningependa kutekeleza miradi mingi zaidi nchini Sierra,” Rudiger alisema.
Na hii si mara ya kwanza kwa Rudiger kuchangia kwa njia ya hisani kuelekea Sierra Leone.
Mnamo Januari, alisafiri kwa ndege hadi taifa hilo la Afrika kuzindua Wakfu wa Antonio Rudiger For Sierra Leone na alikutana na mashabiki waliokuwa na furaha kupita kiasi.
Rudiger, ambaye ana asili ya Sierra Leone, ametoa msaada mara nyingi katika 'nyumbani kwake ya pili' na mwaka wa 2020 alichangia $101,000 (£75,000), sawa na milioni 12 pesa za Kenya kusaidia Elimu Bora ya Bure nchini Sierra Leone.
Beki huyo wa zamani wa Chelsea anajiandaa kwa kampeni ya Ujerumani ya Kombe la Dunia ambayo itawakutanisha na Costa Rica, Japan na Uhispania katika hatua ya makundi.