• "Uamuzi ulikuwa umefanywa na, kwa kweli, ilikuwa mshtuko kwetu sote. Pia sikuwa na hali ya kuzungumza kwa muda mrefu," alisema.
Image: BBC Sport
Kocha mpya wa Bayern Munich Thomas Tuchel kwa mara ya kwanza amefunguka jinsi alivyofutwa kazi Mwezi Septemba mwaka jana na timu ya Chelsea.
Akizungumza baada ya kumaliza kuongoza Bayern katika katika mazoezi kuelekea mechi ya Wikendi, Tuchel alisema kwamba mkutano huo ulikuwa si wa kawaida nab ado jinsi alivyofutwa kazi bado inauma sana.
Mjerumani huyo atachukua usukani wa mechi yake ya kwanza wakati Bayern itakapomenyana na klabu yake ya zamani na wapinzani wake wa taji Borussia Dortmund siku ya Jumamosi.
Na akizungumza kabla ya mchezo huo, mchezaji huyo mwenye umri wa miaka 49 alifichua kuwa alifukuzwa kazi baada ya mkutano uliochukua dakika chache tu.
"Ilikuwa mshtuko. Nilihisi, ajabu, nilipoendesha gari hadi kituo cha mafunzo," aliwaambia waandishi wa habari.
"Mkutano tuliouhisi usio wa kawaida - uligeuka kuwa mfupi sana. Ulichukua dakika tatu hadi tano."
Tuchel alitimuliwa na The Blues kufuatia kichapo cha 1-0 kutoka kwa Dinamo Zagreb kwenye Ligi ya Mabingwa.
"Uamuzi ulikuwa umefanywa na, kwa kweli, ilikuwa mshtuko kwetu sote. Pia sikuwa na hali ya kuzungumza kwa muda mrefu," alisema.
"Tulikuwa na hisia kwamba tulikuwa katika mahali pazuri kwa wakati ufaao. Tulihisi kwamba tunaweza kufikia mambo makubwa na tulitaka kukaa muda mrefu - ilikuwa rahisi kama hiyo."
Tuchel alishinda Ligi ya Mabingwa akiwa na Chelsea Mei 2021 - moja kati ya mataji matatu aliyoshinda ndani ya miezi 20 Stamford Bridge - na alichaguliwa kuwa Kocha Bora wa Dunia wa Mwaka kufuatia kampeni hiyo.
Lakini Mjerumani huyo aliondoka kwa mmiliki mpya wa Chelsea Todd Boehly kwa siku 100 na nafasi yake kuchukuliwa na Graham Potter.
"Bado inauma kwa njia fulani," Tuchel alisema. “Siwezi kuwaona watu hawa kila siku, naipenda kazi hii, nina shauku nayo.”
"Tulijenga dhamana isiyo ya kawaida katika mazingira. Tulianza huko wakati wa Covid, wakati wa Brexit - kisha mabadiliko ya umiliki yakaja. Tulikuwa kikundi chenye uwezo na nguvu na haikuwa mikononi mwangu kuchukua uamuzi huu. Sikuwa tena sehemu ya kundi hili, kundi ambalo lilihisi kama familia."