• Mchezaji huyo mwenye umri wa miaka 29 alitaka kuwashukuru kwa kumsaidia kuwa mfungaji bora wa England.
Image: Twitter//Harry Kane
Mshambuliaji matata wa ingereza na klabu ya soka ya Tottenham Hotspurs Harry Kane amewanunulia wachezaji wenzake katika timu ya taifa kila mmoja zawadi maalumu kwa kumfanya kuwa mfungaji bora wa muda wote katika jezi ya The Three Lions.
Harry Kane alikua mfungaji bora wa England mapema mwaka huu. Mshambulizi huyo wa Tottenham Hotspur aliweka historia mwezi Machi alipofunga bao lake la 54 kwa taifa lake katika mechi ya kufuzu kwa Euro 2024 dhidi ya Italia.
Bao hilo lilimfanya ampiku Wayne Rooney na kuwa mfungaji bora zaidi wa England.
Hivi majuzi Kane alijiunga na kikosi cha Uingereza kwa mechi zao za kufuzu kwa Euro 2024 dhidi ya Malta na Macedonia Kaskazini.
Kabla ya mechi hiyo, Kane ameonyesha kiwango chake kwa kutoa zawadi kwa kila mmoja wa wachezaji wenzake wa Uingereza, pamoja na meneja Gareth Southgate.
Mchezaji huyo mwenye umri wa miaka 29 alitaka kuwashukuru kwa kumsaidia kuwa mfungaji bora wa England.
Alipatia kila mmoja wao rekodi ya vinyl ya dhihaka inayoitwa 'Harry Kane mvunja rekodi: Greatest Hits Collection Vol.1'.
'Orodha ya nyimbo' inaonyesha kila moja ya mabao yake 54 kwa Three Lions, kuanzia na bao lake la kwanza dhidi ya Lithuania mnamo Machi 2015 hadi mwisho wake wa hivi karibuni dhidi ya Italia.
Kila rekodi imebinafsishwa kwa picha ya Kane na mtu binafsi zawadi hiyo imewasilishwa kwake, pamoja na ujumbe.
Kwa mfano, ujumbe wa kibinafsi ambao Declan Rice alipokea ulikwenda kama ifuatavyo: "Imewasilishwa kwa Declan Rice. Zawadi hiyo ni ishara ya shukrani yangu kwa mchango wako wa kunisaidia kuwa mfungaji bora wa muda wote wa England.
"Bila wewe na wachezaji wenzangu wote, hili lisingewezekana. Asante kwa sehemu ambayo umecheza wakati wangu na England, ndani na nje ya uwanja."
Itakumbukwa pia miezi mitatu iliyopita, nahodha wa Argentina Lionel Messi aliwazawadi wachezaji wa timu ya taifa kwa kumsaidia kutimiza ndoto yake ya kushinda kombe la dunia.