• Messi alicheza mechi yake ya kwanza ya kimataifa akiwa na Argentina akiwa na umri wa miaka 18 mwaka 2005.
Image: Instagram
Jezi nambari 10 ya Lionel Messi ya Argentina itastaafu 'maisha yote' atakapotundika buti zake, Rais wa FA wa nchi hiyo amefichua.
Messi, ambaye anachukuliwa na wengi kama mchezaji bora zaidi wa soka katika historia, aliweka alama nyingine juu ya maisha yake ya ajabu mwaka jana alipoisaidia Argentina kumaliza kusubiri kwa miaka 35 kwa Kombe la Dunia huko Qatar.
Nyota huyo wa Inter Miami sasa ameiwezesha nchi yake kutwaa taji kubwa huku akifunga mabao 106 katika mechi 180 alizocheza, na hivyo kuimarisha hadhi yake kama gwiji wa muda wote wa Argentina pamoja na Diego Maradona.
Na huku akicheza miaka ya mwisho ya maisha yake ya soka akiwa na umri wa miaka 36, taifa hilo la Messi tayari linapanga kumuenzi nahodha wake aliyeshinda Kombe la Dunia kwa kustaafisha jezi yake nambari 10.
"Wakati Messi anastaafu kutoka kwa timu ya taifa, hatutamruhusu mtu mwingine yeyote kuvaa nambari 10 baada yake," Rais wa AFA Claudio Tapia alisema.
'Nambari hii ya 10 itastaafu maisha kwa heshima yake. Ni kidogo tu tunaweza kumfanyia.'
Messi alicheza mechi yake ya kwanza ya kimataifa akiwa na Argentina akiwa na umri wa miaka 18 mwaka 2005, lakini alitolewa nje kwa kadi nyekundu baada ya dakika mbili tu kwenye mechi ya kwanza ya kutisha.
Kando na kunyakua medali ya dhahabu ya Olimpiki katika Michezo ya Beijing ya 2008, nyota huyo wa Barcelona alishindwa kuhamasisha nchi yake kupata mafanikio yaleyale aliyokuwa akifurahia katika ngazi ya klabu hadi 2021.
Wakati huo ndipo alipoiongoza Argentina kutwaa ubingwa wa Copa America - taji lao la kwanza kuu tangu 1993 - kabla ya kuongeza Kombe la Dunia kwenye wasifu wake karibu miezi 18 baadaye.
Messi, ambaye anajiandaa kwa msimu wake wa kwanza kamili na Miami baada ya kuhamia MLS msimu wa joto, anabaki kuwa nahodha wa nchi yake miezi sita kabla ya siku yake ya kuzaliwa ya 37.