• Chelsea walisema kwamba Palmer hajashiriki vipindi vya mazoezi Jumatatu kutokana na kile walikitaja kuwa ni ugonjwa na si jeraha.
Image: Hisani
Huenda mchezaji tegemezi kwa klabu ya Chelsea, kinda Cole Palmer akakosa kushiriki mechi yao dhidi ya Arsenal, taarifa rasmi ya Chelsea kupitia tovuti yao imesema.
Chelsea walisema kwamba Palmer hajashiriki vipindi vya mazoezi Jumatatu kutokana na kile walikitaja kuwa ni ugonjwa na si jeraha.
Palmer, 21, amekuwa mchezaji bora wa Mauricio Pochettino msimu huu baada ya kujiunga kutoka Manchester City majira ya joto. Fowadi huyo amefunga mabao 23 na kusaidia mengine 13 kwa The Blues.
Amefunga mabao 10 katika mechi zake tano zilizopita za Ligi Kuu ya Uingereza - ikiwa ni pamoja na manne katika ushindi wa 6-0 dhidi ya Everton wiki iliyopita - lakini hakuweza kusaidia Chelsea kuishinda Man City katika nusu fainali ya Kombe la FA Jumamosi.
Mchezaji huyo wa kimataifa wa Uingereza alionekana akichechemea huku akifunga kamba kwenye paja lake kwenye uwanja wa Wembley lakini alicheza mchezo mzima. Hata hivyo, alikosa mazoezi Jumapili na Jumatatu.
Katika sasisho la kila wiki la majeruhi la kilabu lililochapishwa kabla ya mkutano wa waandishi wa habari wa Pochettino, Palmer aliongezwa kwenye orodha ya wasiohudhuria na inasemekana 'hayupo kwa sababu ya ugonjwa'. Iwapo atashindwa kupona kwa wakati, utakuwa ni mchezo wa kwanza wa ligi kuukosa tangu waliposhinda 2-1 nyumbani dhidi ya Crystal Palace wakati wa Krismasi.
Licha ya kutofanya mazoezi ya kujiandaa na mchezo huo, Pochettino amedai klabu hiyo itampima kesho. "Leo, hapana [hawezi kucheza]," alisema.