Mathare United yawaadhibu wachezaji wake 4 kwa utovu wa nidhamu

Mathare United imewaadhibu wake wanne kwa utovu wa nidhamu baada ya kukiuka sheria ya mkataba baina yao na klabu hiyo.

Klabu hiyo imeafikia kuwachukulia hatua ya nidhamu wachezaji Kevin Kimani, Elli Asieche, Brian Ouru na Eric Mulu  baada ya kushiriki katika mashindano mengine wakichezea timu nyingine bilaya rukhusa ya klabu walioweka mkataba nao.

Taarifa ya usimamizi wa Mathare United imesema kwamba wane hao walichezea timu nyingine ambayo haijatajwa kabla ya Mathare kucheza mchuano wao wa sita wa ligi dhidi ya Police FC.

Wachezaji waliopatikana na utovu wa nidhamu wameadhibiwa kukosa mshahara wa wiki mbili kuanzia Jumatano ya tarehe 30, Oktoba.

Uamuzi wa mwisho wa Mathare United kuhusu swala hiyo umetolewa timu hiyo ikisema kuwa wachezaji hao walivunja vipengee kadhaa katika mkataba ikiwemo kukosa  kuweka viwango vya juu vya ubora wa mwili wakati wote.

Vile vile usimamizi wa Mathare United umesema kuwa wachezaji hao walikiuka mkataba kwa kushiriki katika michezo mingine inayoweza hatarisha ubora wa mili yao.