Bwire, Sakari wajiunga na Harambee Stars

Beki wa Kenya Police Daniel Sakari na kipa wa Polokwane City FC Brian Bwire wamejiunga na kikosi cha Harambee Stars kabla ya mechi mbili kali za kufuzu Afcon 2025.

Bwire anachukua nafasi ya Ian Otieno ambaye anachezea klabu ya Ligi Kuu ya Zambia Zesco United, huku Daniel Sakari akichukua nafasi ya Adam Wilson.

Wilson aliomba kutojumuishwa katika kikosi hicho kwani kwa sasa anaomboleza kifo cha nyanya yake.

Kwa sasa Harambee Stars wako katika nafasi ya tatu wakiwa na pointi nne katika kundi J. Cameroon wanaongoza kwa pointi 10, huku Zimbabwe wakiwa na pointi nane.

Kenya itapimana ubabe na Zimbabwe Ijumaa kabla ya kuwakabili Namibia siku ya Jumanne. Polokwane ya Afrika Kusini itakuwa mwenyeji wa michezo yote miwili kwenye Uwanja Mpya wa Peter Mokaba.