Amad Diallo afunga Hat-trick chini ya dakika 12 na kuwapa ushindi Mashetani Wekundu

Amad Dialo aliipa Manchester United ushindi baada ya kufunga mabao matatu chini ya dakika 12 za mwisho za mchuano  dhidi ya Southampton.

Ni zaidi ya miaka 91 tangu Manchester United kupoteza mechi zaidi ya tatu mfululizo wakiwa katika uga wa old Trafford  na  Diallo winga mwenye umri wa 22 alisaidia rekodi hiyo isivunjwe kwa kufunga hat trick chini ya dakika 12 kuanzia dakika wa 82 na kuipa United ushindi wa 3-1.dhidi ya Southampton.

Southampton inayoshikilia nafasi ya mwisho katika jedwali ya ligi ya Uingereza  ilionekana kusumbua vijana wa Amorim baada ya bao la kujifunga kutoka kwa mchezaji wa United Manuel Ugarte katika dakika ya 43 kuwapa nafasi ya kuongoza 1-0 mpaka dakika ya 82.

Wakati kocha Erik Tenhag alitimuliwa  28 Octoba, 2024 Diallo alikuwa ameanza mechi 12 pekee tangia kujiunga na United kutoka katika klabu ya Atlanta mwaka wa  2021.

Winga huyo sasa hivi ameanza mechi 12 tangia Ten Hag kuondoka ikiwa mechi ya kwanza alicheza chini ya mkufunzi Ruud Van Nistelrooy na sasa anacheza chini ya Ruben Amorim.

Diallo amefunga mabao nane, likiwemo bao la dakika za lala salama katika debi ya Manchester City, bao la kusawazisha dakika za lala salama dhidi ya Liverpool na sasa amefunga hat-trick ya dakika 12 katika mechi ya mwisho  nyumbani dhidi ya klabu ya Southampton ambayo ilikuwa ikitishia kushinda mchezo huo.

Diallo akihojiwa alisema kuwa katika mchezo wa kandanda kitu muhimu sana ni kujiamini na kuaminia wachezaji wenzako.

‘’Katika Soka ni lazima na muhimu kuamini na tuliamini mpaka mwisho,’’ alisema Diallo.

Diallo amekuwa tegemeo wa timu la Manchester United na ata kuaminiwa na kocha wa United Amorim kucheza nafasi ya beki la kulia. Kufikia dakika ya mwisho ya mchezo yao dhidi ya Southampton Diallo alikuwa akicheza kama mshambuliaji.

‘’Niko tayari kucheza kila nafasi, niko tayari kucheza kama beki wa pembeni, nambari 10, kila mahali meneja anapenda kuniweka niko tayari,’’ alisema Diallo akihojiwa baada ya mchezo.

Amorim alisema kwamba mambo mazuri yatatokea kwa raia huyo wa Ivory Coast iwapo ataendelea kucheza na kufanya mazoezi vizuri.

‘’Mambo mazuri yatatokea. Diallo yuko katika wakati mzuri na ana msimu mzuri sana ‘’ Alisema Amorim.

United ilipanda hadi nafasi ya 12 kwenye ligi lakini kwa kiasi kikubwa mchezo yao ilikuwa chini  dhidi ya Southampton licha ya ushindi huo wa dakika za mwisho.