Arne Slot aelezea imani ya kushinda mechi zote zilizobaki za EPL

Mkufunzi wa Liverpool Arne Slot anasema  yuko tayari  kushinda mechi tisa za mwisho za Ligi Kuu ya uingereza msimu huu, kuanzia mechi ya Jumatano usiku ya Merseyside derby.

The Reds wanawakaribisha Everton katika uwanja wa Anfield. Pambano kati ya wapinzani hao wawili wa jiji kuashiria mwanzo wa mbio za kampeni ya 2024-25.

Kufuatia likizo ya kimataifa ya Machi, Liverpool wamekosa kucheza  tangu fainali ya Kombe la Carabao zaidi ya wiki mbili zilizopita.

Slot, hata hivyo, anaamini mapumziko kutoka kwa mechi za nyumbani yamekuwa mazuri kwa wachezaji wake baada ya kile alichokiona kuwa wiki ngumu kabla.

Meneja huyo alizungumza kuhusu hamu yake ya kurejea kwenye mchezo baada ya mapumziko.

"Imekuwa siku 15 au 16 - au hata zaidi - tangu niliposimamia mchezo mara ya mwisho, lakini wachezaji wetu wengi walicheza wiki moja iliyopita michezo muhimu kwa timu zao za taifa," alisema Slot.

"Kila mtu anaweza kuelewa nafasi tuliyo nayo kwa sasa, kwamba sote tunatazamia sana michezo tisa ijayo. Tumecheza fainali, kwa hivyo tumeweza kucheza fainali dhidi ya timu nzuri sana ya Newcastle. Na tulikuwa na mchezo mmoja mzuri na katika mchezo mwingine tulilinda vyema dhidi ya Paris Saint-Germain, ambao ulikuwa mchezo bora zaidi kwenye Ligi ya Mabingwa hadi sasa kwa maoni yangu," aliendela mkufunzi huyo wa Liverpool.

"Tulipigwa na timu nzuri sana. Unaweza kuangalia matokeo kila wakati, ambayo haikuwa jinsi tulivyotaka katika michezo hiyo miwili, lakini nilijivunia uchezaji wetu dhidi ya Paris Saint-Germain. Labda ulikuwa mchezo bora zaidi ambao tumecheza msimu huu, lakini kwa bahati mbaya tuliupoteza kwa mikwaju ya penalti." aliendelea.

Kocha huyo pia alionyesha furaha yake kwa wachezaji wake ambao walienda kuwakilisha mataifa yao na wakafanya kazi nzuri.

"Najua, kwa mfano, timu ya Uholanzi, walicheza na Uhispania katika michezo miwili mizuri. England pia ilikuwa na michezo miwili, labda sio nzuri zaidi walivyocheza, lakini walishinda yote miwili. Daima ni nzuri ikiwa wachezaji wataenda kwenye mazingira tofauti na kisha kurudi kwetu baada ya uzoefu mzuri. Kwa mfano, Lucho Diaz alikuwa na mabao mawili na Cody Gakpo alikuwa na bao, kwa hivyo wachezaji wetu wachache walijionyesha kwa njia nzuri sana," alieleza.