Ruben Amorim: Bruno hauzwi na haendi popote, ni mchezaji muhimu sana kwa Man Utd

Meneja wa Manchester United Ruben Amorim ametupilia mbali tetesi za uhamisho wa nahodha wa timu hiyo ya uingereza, ameweka wazi kwamba Bruno Fernandes hataondoka Old Trafford hivi karibuni.

Huku kukiwa na uvumi unaoongezeka unaomhusisha nyota huyo wa Ureno na kuhamia Real Madrid, Amorim amezima kabisa uwezekano wowote wa uhamisho wa majira ya joto.

Fernandes amekuwa mchezaji muhimu wa United msimu huu, akitoa maonyesho bora licha ya mapambano ya timu hiyo. Akiwa na mabao 16 na asisti 16 katika mashindano yote, anasalia kuwa mchezaji  wao mwenye ushawishi mkubwa uwanjani.

Kiwango chake cha hivi majuzi kimekuwa cha kuvutia sana, akirekodi mabao saba na asisti tatu katika mechi zake saba zilizopita.

Kabla ya pambano la Ligi Kuu ya Manchester United dhidi ya Nottingham Forest, Amorim alianza na kuondoa uvumi huo moja kwa moja. Alipuuzilia mbali uwezekano wa Fernandes kuondoka, akisema, "Haitatokea."

Alipoulizwa kwa nini alikuwa na ujasiri sana, Amorimu aliongeza msimamo wake maradufu. "Hiyo ndiyo changamoto. Nataka Bruno hapa. Tunataka kushinda Ligi Kuu tena, na tunahitaji wachezaji wetu bora. Anacheza michezo 55 kila msimu, anatoa michango ya mabao 30, na ni muhimu kwa mipango yetu. Haendi popote."

Amorim pia aliangazia mapenzi ya Fernandes kwa klabu hiyo. "Anahisi maana ya kuichezea Manchester United. Kuchanganyikiwa kwake wakati mwingine ni ishara tu ya ni kiasi gani anataka kushinda. Huyo ndiye aina ya mchezaji tunayehitaji."

Manchester United hawana shinikizo la kifedha kumuuza nahodha wao, kwani Fernandes yuko chini ya mkataba hadi 2027, na chaguo la kuongeza muda wa mwaka mwingine.

Tangu kuwasili mwaka wa 2020, ameisaidia klabu hiyo kushinda Kombe la FA na EFL Cup. Sasa, anatarajia kuongeza Ligi ya Europa kwenye orodha hiyo, huku United wakitafuta kupata nafasi katika mashindano ya Uropa msimu ujao.

Kwa sasa, ujumbe wa Amorim ni mkubwa na wazi - Bruno Fernandes haondoki, anasalia.