Sonko azuiwa kuwania ugavana wa Mombasa

Aliyekuwa gavana wa Nairobi Mike Sonko ameondolewa katika kinyang'anyiro cha ugavana wa Mombasa.

Mwenyekitiwa Tume Huru ya Uchaguzi na Mipaka (IEBC) Wafula Chebukati alisema Gavana  aliyetimuliwa hafai kuwania kiti hicho katika uchaguzi wa Agosti.

Katika taarifa kwa vyombo vya habari Jumamosi, Chebukati alisema Tume imepokea kesi moja ya mwaniaji ugavana aliyepatikana na hatia, kesi mbili za wabunge na kesi moja  ya mwaniaji kiti cha MCA.

“Msimamo wa Tume ni kwamba iwapo watu waliotiwa hatiani katika ripoti hawajakata rufaa au wamemaliza rufaa zao bila mafanikio, basi wamepoteza sifa za kuwa wagombea,” alisema.

Sonko alishtakiwa Desemba 2020 na Bunge la Kaunti ya Nairobi kwa sababu nne za Ukiukaji Mkubwa wa Katiba, Matumizi Mabaya ya Ofisi, Utovu wa nidhamu na Uhalifu dhidi ya Sheria ya Kitaifa.

Lakini Gavana huyo wa zamani alikuwa akitafuta kurejea katika siasa na alitaka kuwa Gavana anayekuja katika Kaunti ya Mombasa. Chama cha Wiper kiliidhinisha ombi lake.

Sonko alikuwa akikodolea macho kiti cha ugavana wa Mombasa kwenye Uchaguzi Mkuu wa Agosti 9 kwa tikiti ya Wiper.

Wengine waliokataliwa kwa madai ya matumizi mabaya ya ofisi ni pamoja na aliyekuwa Gavana wa Kiambu Ferdinand Waititu na mgombeaji wa useneti wa Kiambu kwa tikiti ya UDA wa Karungo Thangwa.

Mengine yanafuata...