Matiang'i: Hatutazima mitandao wakati wa uchaguzi

Muhtasari
  • “…lakini hii haitatushawishi kuchukua hatua za kurudi nyuma kama kuzima mtandao wakati wa uchaguzi
Waziri wa usalama Fred Matiang'i
Image: FRED MATIANG'I/TWITTER

Waziri wa Usalama wa Ndani Fred Matiang'i amesema serikali haitazima mtandao wakati wa uchaguzi.

Katika wiki zilizopita, kampeni za Kenya zimekuwa motomoto huku wanasiasa wakidai kuna jaribio la kuingilia uchaguzi kupitia wizara ya ICT. Matiang'i alidai kuwa wameshutumiwa kwa kila aina ya mambo.

“…lakini hii haitatushawishi kuchukua hatua za kurudi nyuma kama kuzima mtandao wakati wa uchaguzi kwani tunaheshimu haki za wote,” alisema Jumatano jioni.

"Tunakaribia uchaguzi na mjadala mkubwa zaidi ni kuhusu jinsi tutakavyoishi sisi kwa sisi katika enzi ya habari za uwongo na matumizi mabaya yasiyo na kifani ya mitandao ya kijamii." Alisema serikali haitachukua hatua vinginevyo akiongeza kuwa serikali inaheshimu uhuru wa Wakenya.

"Hakuna kiasi cha matusi au ukosoaji kitakachojaribu serikali kiasi cha kufikia vitendo vya kuingilia uhuru wa Wakenya."