Gavana wa West Pokot John Lonyangapuo amekubali kushindwa katika azma yake ya kuhifadhi kiti hicho.
Lonyangapuo alisema alishindwa kwa kura zisizozidi 2000 na kwa kuwa anapenda amani, amekubali matokeo.
Alitoa wito kwa wafuasi wake kukubali matokeo na kudumisha amani.
"Ninaomba vyama vyote vya kisiasa kumpa Kachapin wakati mtulivu wa kuongoza kaunti kwa kuwa amechaguliwa na wengi," alisema.
“Tumpe muda wa kutumikia kaunti yetu kwani uongozi unatoka kwa Mungu. KUP, KANU, UDA na wagombea binafsi tafadhali tumpe nafasi aongoze. Kampeni zimekwisha na tuna kiongozi wetu, tumuheshimu."
Alimwomba Kachapin kushauriana naye juu ya chochote kwa kuwa yuko tayari kumsaidia.
“Nitakupa namba zangu mbili za simu ili tuweze kushauriana muda wowote. Nina furaha hukuwahi kukatiza serikali yangu na nitafanya vivyo hivyo,” alisema.
Alimtaka gavana mteule kuitisha mkutano wa viongozi wote waliochaguliwa kutoka kaunti bila kujali vyama vyao na kuweka ajenda za kaunti.
"Nilipata uungwaji mkono mkubwa kutoka kwa Wabunge wote waliochaguliwa wakati wa enzi yangu na pia ninawaomba viongozi waliochaguliwa wa sasa pia kutoa msaada kwa gavana mteule," alisema.
Viongozi hao walikumbatiana na kuwataka wakazi kuombea serikali mpya.
Uchaguzi huo ulikuwa wa marudio ya mchezo wa 2017 ambapo Lonyangapuo alimshinda Kachapin.
Katika uchaguzi wa mwaka huu, Kachapin alitangazwa mshindi baada ya kujizolea kura 86,476.
Lonyangapuo aliibuka wa pili kwa kura zaidi ya 84,610.
