Ruto ataka mahakama ya upeo kutupilia mbali hati za kiapo za makamishna wa IEBC

Rais Mteule William Ruto sasa anaitaka mahakama ya upeo kufutilia mbali hati zote za kiapo zilizowasilishwa na makamishna sita wa IEBC katika kesi ya ombi la rais.

Katika ombi lililowasilishwa kortini na Profesa Kindiki Kithure, Ruto anadai kuwa makamishna hao wameagizwa ili wawasilishe walalamishi wa daraja la pili huku wakijifanya kuwa wanaojibu.

Makamishna hao ni pamoja na Boya Molu, Abdi Guliye, Juliana Cherera, Justus Nyang’aya, Irene Masit na Francis Wanderi.

Makamishna hao wametajwa kuwa waliojibu maombi ya kesi hiyo ya matokeo ya urais.

Anasema kuwa Malalamiko yaliyowasilishwa na wajibu walioidhinishwa kimakosa yangemnyima Ruto fursa ya kujibu madai yoyote ambayo hatua hiyo itakiuka haki yake isiyoweza kuondolewa chini ya Kifungu cha 25(C).

Katika hati ya kiapo ya Aliyekuwa Gavana Josephat Nanok ambaye alikuwa naibu ajenti mkuu wa UDA anateta kuwa uchaguzi mkuu ulifanywa na IEBC wala sio makamishna binafsi.

Kwa hivyo haieleweki kwa nini waombaji wamewaamuru makamishna mmoja mmoja kama wajibu kwa majina yao binafsi katika ombi hili.

Kwamba makamishna binafsi hawawezi kuwa wajibu katika ombi lililotolewa chini ya kifungu cha 140 cha katiba.

Kifungu cha 140 kinatazamia suala sahihi na fupi ambalo linapinga uchaguzi wa rais mteule na naibu rais mteule, malalamiko kati ya makamishna hayafai kujumuishwa katika ombi kama hilo.

Makamishna hao wanne hawajaridhishwa na ushindi wa Ruto katika uchaguzi na kwa hakika makamishna hawa wametangaza hadharani upinzani wao dhidi ya ushindi wake.

Makamishna hao wanne kwa maana ya kweli ni walalamishi na au wawakilishi wa walalamishi waliojumuishwa kwa ujanja kuwa sehemu ya waliojibu ili kuhatarisha utetezi wa Ruto.

Ni jambo la busara kwamba vyama hivi visivyo vya lazima majina ya makamishna wote sita yafutiliwe mbali katika ombi hili na maombi yoyote yaliyowasilishwa nao yafutiliwe mbali.