Mgombea ugavana wa West Pokot kwa tiketi ya UDA Simon Kachapin ametangazwa mshindi baada ya hesabu za kura katika kaunti hiyo kukamilika.
Tume ya uchaguzi na mipaka (IEBC) imesema kuwa Kachapin alishinda kiti hicho kwa kura 86,476 na kumbwaga chini gavana anayeondoka John Lonyangapuo ambaye alipata kura 84,610.
Lonyangapuo ambaye amehudumu kwa muhula mmoja alikuwa anajaribu kutetea kiti chake kwa tiketi ya Kenya Union Party (KUP).
Naibu gavana anayeondoka Nicholas Atudonyang pia alikuwa anamezea kiti hicho kwa tiketi ya KANU.
Kachapin sasa anachukua usukani wa West Pokot kwa mara ya pili baada ya kuhudumu muhula wa 2013-2017.
Gavana huyo mteule alipoteza kwa Lonyangapuo katika uchaguzi wa 2017. Wakati huo Kachapin alikuwa akijaribu kutetea kiti chake kwa tiketi ya Jubilee huku Longangapuo akiwania kwa tiketi ya KANU.
