Patanisho: Hafla ya mahari iliyopangwa kufanyika kesho, harusi ya Disemba hatarini baada ya bibi harusi akim'block bwanake

Collins Shikuku 30yrs kutoka Kakamega, please naomba munipatanishe na Mchumba wangu Eunice Njoki 26yrs. Tumekuwa kwa uhusiano kwa miaka miwili na tulikuwa tumepanga kufunga ndoa mwezi wa December 2024. Nilikosana na yeye juzi na communication yetu haijakuwa nzuri, nikimuuliza ni nini anakuwa kali.

Jamaa aliyejitambulisha kama Collins Shikuku ,30, alituma ujumbe akiomba kupatanishwa na mchumba wake Eunice Njoki ,26, ambaye alikosana naye hivi majuzi.

Collins alisema uhusiano wake wa miaka miwili uliharibika siku chache zilizopita baada ya Njoki kugeuka ghafla na kuwa mkali kwake.

Alisema walipanga kufunga ndoa mwezi ujao ila mambo yanaonekana kuenda vibaya kwa sasa.

 "Tulikuwa tunapanga kuoana mwezi ujao. Jumatatu wiki hii alinipigia simu akaniambia anataka Kwenda saluni nimtumie pesa. Sikuwa na pesa ambazo alikuwa anataka. Nikamtumia zenye nilikuwa nazo. Tumezoea akienda saluni ananitumia picha ya vile ametengenezwa nywele. Aliniuliza kwani ni lazima anitumie picha. Hapo ndo alikasirika, nikimpigia simu anakuwa mkali. Jana ndio aliniweka blacklist. Dadake aliniambie ako nyumbani lakini hajamueleza shida ni nini. Mimi sijamkosea, labda yeye aeleze," Collins alisimulia.

Pia alizungumza kuhusu tukio lingine la kuibua wasiwasi katika mahusiano yake ambapo mchumba wake alitoa mimba.

"Kuna wakati alikuwa mjamzito, sijui nini ilifanyika akaenda akatoa mimba. Nilikuwa nimeambia hata wazazi wangu. Mwishowe akawa ametoa hiyo mimba, mama yangu alikasirika na pia mimi nilikasirika. Alikuja tukaongea na tukamaliza nikakubali tuendelee," alisema.

Jaribio la kuwapatanisha wawili hao kwa bahati mbaya halikufua dafu kwani Njeri alikataa kuzungumza kwenye simu.

Collins aliendelea kufunguka kuhusu hali ya mahusiano yake na kueleza wasiwasi wake huku akifichua kwamba alipanga kuenda kutoa mahari siku ya Jumamosi.

"Nilikuwa nimepanga safari kwenda kupeleka mahari kesho. Kuna watu nishaambia wanajua safari ni kesho. Kwa sasa Njoki ameniweka blacklist. Sijaambia wazazi kwamba safari haitakuwa. Hashiki ata simu zangu," Collins alisema.

Gidi alimshauri Collins ajaribu kumpigia mpenziwe ili aone kama wataweza kusuluhisha mzozo wao pamoja.

Je, ushauri wako kuhusu Patanisho ya leo?