Nilitoa maisha yangu kwa Yesu nikiwa Nakuru, Kenya- Vanessa Mdee
Mdee alisema hayo yalitokea alipokuwa akisoma nchini Kenya kabla ya kuingia kwenye tasnia ya muziki.
•Msanii Vanessa Mdee ambaye kwa sasa anaishi Marekani amefunguka kuhusu jinsi alivyookoka akiwa Nakuru, Kenya.
•Aliongeza kuwa mamake alikuwa Mwislamu wakati huo na hakuelewa.
Malkia wa muziki wa Tanzania Vanessa Mdee ambaye kwa sasa anaishi Marekani amefunguka kuhusu jinsi alivyookoka akiwa Nakuru, Kenya.
Mdee alisema hayo yalitokea alipokuwa akisoma nchini Kenya kabla ya kuingia kwenye tasnia ya muziki.
"Niliokoka nikiwa na umri wa miaka minane hivi mjini Nakuru, Kenya, katika shule ya Greensted niliyosoma wakati huo na alikuwa pia dada yangu Nancy na kaka yangu G. Nakumbuka mama yangu akitutembelea na tulimwambia 'mama, tuliokoka. , tulizaliwa tena."
Aliongeza kuwa mamake alikuwa Mwislamu wakati huo na hakuelewa. Mdee aliongeza kuwa baba yake alikuwa Mkatoliki na walikua katika nyumba ya kikatoliki.
"Baba yangu pia alikuwa kiongozi wa kanisa. Inashangaza kwamba sasa watu wanasema 'ni vizuri sana kwamba unatoa maisha yako kwa Kristo.' Maisha yangu kila wakati yalikuwa yametolewa kwa Kristo... Kwa vile tu sikuwa nikiishi sawa na sikuwa mfano wa hilo."
Mdee alijieleza kama shuhuda hai wa kuwafundisha watoto kuhusu Mungu mapema "Ili wanapokuwa wakubwa, wasipotee mbali au kwenda mbali zaidi, kila mara watatafuta njia yao ya kurudi ambayo ilikuwa mimi katika maisha yangu yote."
"Ikiwa wewe ni kama mimi na unahisi kama umechelewa sana au umefanya mambo mengi sana, au hauko katika msimamo sahihi, hakuna kitu kama hicho, Yesu anakupenda."