Akothee adokeza kumzalia Nelly Oaks, azungumzia matatizo ya kushughulika na watoto wake
Akothee amefunguka kuhusu baadhi ya matatizo anayokumbana nayo akishughulika na watoto wake watano.
•Msanii huyo mwenye umri wa miaka 43 aliangazia jinsi binti zake wa kizazi Gen Z wanavyobishana naye na kumkosoa kwa ujasiri.
•Pia alidokeza kuhusu kupata mtoto mwingine na mpenzi wake wa sasa Nelly Oaks, huku akihoji mtoto huyo atakuwa kizazi gani.
Mwimbaji na mjasiriamali mashuhuri wa Kenya Esther Akoth almaarufu Akothee amefunguka kuhusu baadhi ya matatizo anayokumbana nayo akishughulika na watoto wake watano.
Katika moja ya machapisho yake kwenye akaunti zake za mitandao ya kijamii, msanii huyo mwenye umri wa miaka 43 aliangazia jinsi binti zake wa kizazi cha Gen Z wanavyobishana naye na kumkosoa kwa ujasiri.
"Gen Z wangu, kila wakati wanafikiria kuwa nina makosa. Wanafikiri nimetulia kama kuzimu🤣🤣🤣 wakibishana nami kana kwamba mimi ni mwenzao, wakinizuia ninapokuwa sumu,” Akothee aliandika chini ya picha ya binti zake watatu warembo.
Aliongeza, “Wana ujasiri wa kuniambia mama umekosea kabisa, katika ubishi huu umeniumiza na kwa hiyo unapaswa kuomba msamaha zaidi ya kuhalalisha 🤣🤣🤣🤣 baada ya kuomba msamaha wanaanza ugomvi mwingine wa, nahitaji nafasi kwa ajili yangu. Afya ya kiakili."
Katika chapisho lingine, alichapisha picha ya mtoto wake wa kiume mwenye umri wa miaka 15, Alfons Ojwang Markus Meyer, na akazungumza kuhusu jinsi haambiliki chochote.
Akothee alizungumza kuhusu jinsi kijana huyo alivyo mkali kuhusu jinsi anavyotaka kuweka nywele zake na jinsi anavyochagua mwenyewe kuhusu mahali pa kuwa.
“Nywele ya GEN Alpha, Huna usemi kwenye hizo nywele , hata Ibebe chawa. ‘Mtaskia ni haki yangu, ni mwili wangu, naweza kufanya chochote nataka mama,’ Aina nyingine ambayo itakuambia wazi 'Sihitaji kutumia muda wangu barani Afrika kwa sababu maisha yangu ya baadaye hayako Afrika 🙄 Najua unanimiss sana mama, jua tu nakupenda tuonane mwezi wa Disemba, sasa hivi ni majira ya joto huko Ulaya, nitakaa na baba kwa muda kisha niende kumuona baba yangu huko Uswizi mwezi wa Agosti wote',” aliandika chini ya picha hiyo. mtoto wake.
Alisema kuwa mwanawe tayari amemwambia wazi kwamba atamtembelea Desemba na hawezi kufanya chochote kuhusu hilo.
"Unapangwa kama baba," alisema.
Katika chapisho lingine, alionyesha picha ya watoto wake wote watano akitaja kuwa ni mchanganyiko wa Gen z na Gen Alpha.
Pia alidokeza kuhusu kupata mtoto mwingine na mpenzi wake wa sasa Nelly Oaks, huku akihoji mtoto huyo atakuwa kizazi gani.
“Hawa mix and match ni Gen zs ama Alpha? Na wa Nelly atakuwa Gen gani? Nitajionea maneno mimi,” alisema.