"Nataka hili milele" Shakib aonyesha upendo kwa wanawe Zari huku kukiwa na uvumi wameachana
Pia aliambatanisha ujumbe huo na emoji ya moyo ambayo mara nyingi huashiria upendo.
•Zari aliibua wasiwasi kuhusu mahusiano yake na Shakib baada ya kuchapisha nukuu ambayo ilielezea hatari ya uwongo miongoni mwa watu wako wa karibu.
•Shakib amedokeza kuwa bado ana uhusiano mkubwa na familia ya mke huyo wa zamani wa Diamond Platnumz.
Image: INSTAGRAM// SHAKIB CHAM
Shakib Cham Lutaaya amedokeza kwamba mahusiano yake na mwanasoshalaiti Zari Hassan bado yapo imara huku kukiwa na tetesi za kutengana.
Hivi majuzi, Zari aliibua wasiwasi kuhusu mahusiano yake na kijana huyo Mganda mwenye umri wa miaka 31 baada ya kuchapisha nukuu ambayo ilielezea hatari ya uwongo miongoni mwa watu wako wa karibu.
“Baadhi ya watu hawaelewi jinsi uwongo unaweza kuwa sumu. Uongo huambukiza na kulaani mahusiano yenye furaha hadi unahisi kuumwa na tumbo kwa kuwaamini tena,
Haijalishi ni kiasi gani unampenda mtu, wakati mwingine huwezi kujizuia kujisikia kama aliiba Faraja yako. Huna raha tena kwa sababu unakisia kila kitu. Sasa, kuwaamini sio kazi rahisi. Sasa inahitaji bidii na wakati mwingine hiyo inachosha” ilisomeka nukuu hiyo ya Horacio Jones ambayo alichapisha kwenye Snapchat.
Nukuu hiyo na muda ambao alichapisha vilionekana kuwaacha wanamitandao na maoni tofauti huku wengi wakikisia kwamba ni ishara wazi kuwa yote sio sawa ndani ya mahusiano yake ya miezi kadhaa na Shakib.
Hata hivyo, Shakib sasa amedokeza kuwa bado ana uhusiano mkubwa na familia ya mke huyo wa zamani wa Diamond Platnumz.
Jumatatu, Mganda huyo anayeshi Afrika Kusini alichapisha picha ya watoto wa Zari; Pinto Tale, Tiffah Dangote na Prince Nillan na kuwaonyesha upendo watatu hao. Aliambatanisha chapisho hilo na wimbo wa Drake, Forever, kipande kinachosema, "It may not mean nothing to y'all, Understand nothin' was done for me, So I don't plan on stoppin' at all, I want this sh*t forever man, ever man, ever man I'm sellin' sh*t down at the mall"
Inatafsiriwa: (Inawezekana isimaanishe chochote kwenu, Lakini elewa kwamba hakuna nilichofanyiwa, kwa hivyo sina mpango wa kuacha kabisa, nataka hili milele, milele. Nauza hili chini kwenye maduka)
Pia aliambatanisha ujumbe huo na emoji ya moyo ambayo mara nyingi huashiria upendo.
Zari na Shakib wamekuwa katika mahusiano yaliyokosolewa sana kwa miezi kadhaa sasa huku mwanasoshalaiti huyo wa Uganda mwenye umri wa miaka 41 tayari akitoa dokezo la kutaka kutulia na mpenzi huyo wake mwenye umri wa miaka 31.