Sonko ajibu baada ya kudaiwa kumgusa Karen Nyamu kwenye makalio wakati wa Kamba Festival
Huku seneta Nyamu akiendelea kutikisa mwili wake, Sonko alionekana kumtazama na kumgusa kwenye makalio.
•Video imekuwa ikivuma kwenye mitandao ya kijamii ikimuonyesha Bi Nyamu akicheza densi huku akiwa amesimama nyuma ya Mike Sonko.
• “Nimeona video hii ikisambaa kwenye mitandao ya kijamii. Hebu niulize, kwani kukula kwa macho iko na shinda gani?” alisema.
Aliyekuwa gavana wa Nairobi Gideon Mbuvi almaarufu Mike Sonko amejibu madai kwamba alimgusa seneta Karen Nyamu isivyofaa wakati wa hafla ya hivi majuzi ya Tamasha la Kamba lililoandaliwa katika uwanja wa Carnivore mnamo Jumamosi, Septemba 14.
Video imekuwa ikivuma kwenye mitandao ya kijamii ikimuonyesha Bi Nyamu akicheza densi huku akiwa amesimama nyuma ya Mike Sonko.
Huku seneta huyo wa kuteuliwa akiendelea kutikisa mwili wake, Sonko anaonekana kumtazama na kumgusa kwenye makalio.
Hatua ya gavana huyo wa zamani wa Nairobi tangu wakati huo imezua mjadala mkubwa kwenye mitandao ya kijamii na kumshinikiza ajibu.
Katika majibu yake, Sonko alibainisha jinsi video hiyo ilivyosambaa kwenye mitandao ya kijamii na kuhoji kama kuna tatizo lolote na kile alichokifanya.
“Nimeona hii clip ikifanya rounds kwa sosho midia. Hembu niwaurise kwani kukura kwa maso iko na sinda gani?” Sonko aliandika kwenye Twitter.
Labda kumaanisha, “Nimeona video hii ikisambaa kwenye mitandao ya kijamii. Hebu niulize, kwani kukula kwa macho iko na shinda gani?”
Mwanasiasa huyo aliambatanisha majibu yake na screenshot ya video ambapo ilidaiwa kuwa alimgusa seneta Nyamu kwenye makalio.
Tamasha la Kamba lilifanyika Jumamosi, Septemba 14, na kuvuta umati mkubwa wa mashabiki. Miongoni mwa waliohudhuria ni Seneta wa kuteuliwa Karen Nyamu na aliyekuwa Gavana wa Nairobi Mike Sonko.
Seneta alionekana akicheza densi juu ya kiti, akiwa amezama kabisa katika muziki. Akiwa amevalia t-shirt ya rangi ya chungwa, jeans ya bluu na kofia, alifurahia burudani hiyo huku akishangilia jukwaani.
Seneta Nyamu na Sonko walionekana wakipiga gumzo kabla ya kupanda jukwaani kuhutubia waliohudhuria.
Mshereheshaji Oga Obinna alijitokeza kwa kushtukiza na kumnasa Nyamu akicheza dansi kutoka jukwaani.
Alichapisha video hiyo kwenye Hadithi zake za Instagram, pamoja na hisia zingine kwa uchezaji wake wa juu wa kiti.
Hapo awali, Nyamu alikuwa amewaomba mashabiki wake mapendekezo kuhusu jinsi ya kutumia wikendi yake.
Katika akaunti yake ya X.com (zamani Twitter), alichapisha picha yake akiwa kando ya Land Cruiser yake kwenye maegesho, akialika jamii ya mtandaoni kupendekeza anakofaa kwenda.
"Naskia kuzurura leo. Ni pin nikuje mnitusi live," aliandika.