'Gengetone bado yatamba,Wakenya wanaipenda' Mejja asema
•Ameeleza kuwa muziki wa Gengetone unaendelea kukua kwa kasi na ni miongoni mwa nyimbo ambazo zinaendelea kupendwa zaidi wakenya.
•Amejitolea zaidi kuhakikisha muziki wa Gengetone unafika mbali na kuhakikisha wanaoupiga mawe muziki huo wamekoma na kuunga mkono kuboresha vipaji vya vijana wa humu nchini.
Mwanamuziki nguli wa nyimbo za Gengetone Mejar Nameye Khadija almaarufu Mejja ameeleza kuwa muziki wa Gengetone unaendelea kukuwa kwa kasi na ni miongoni mwa muziki ambao unaendelea kupendwa zaidi na wakenya.
Kupitia mahojiano na kutuo kimoja redio nchini Mejja alieleza kuwa ni kinaya kuona baadhi ya wanahabari wakieneza uongo kuwa muziki wa Gengetone unaendelea kufifia huku wakitoa maoni hasi kuhusu muziki huo.
"Hakuna mahali wanakwama, Arusha wanasikiza Gengetone sana, napigiwa simu na hawa wasanii wa Uganda na Tanzania wakitaka mdundo wa Gengetone, Wakenya wanapenda Genge ingekuwa hawapendi genge singekuwa naimba, ni watangazaji wachache waliweka kasumba mbaya kwa akili za watu, watu ndio waliweka hiyo kasumba mbaya ,”alisema Mejja.
Mejja alitoa kibao cha kwanza mwaka wa 2007 ambacho kilikuwa kinatambulika kama 'Landlord' na tangu hapo amekuwa akitunga nyimbo ambazo zameibuka kupendwa sana na wakenya.
Aliongeza kuwa amejitolea zaidi kuhakikisha muziki wa Gengetone unafika mbali na kuhakikisha wanaoupiga mawe muziki huo wamekoma na kuunga mkono kuboresha vipaji vya vijana wa humu nchini.
"Wanafaa wajue hawa wasanii wa gengetone ni vijana hakuna vile kijana atafikiria kama wewe mzee umekomaa, sasa wewe mtu umekomaa ukianza kuwatusi si vizuri. Mnafaa kuonyesha hawa vijana njia na si kuwatusi,” Alisema Mejja.