02 September 2021 1 Min Read

Rasmi: Rais Kenyatta ateua makamishna wapya wa IEBC waliopitishwa na bunge la kitaifa

In Summary

•Kenya ameteua Juliana Whonge Cherera, Francis Mathenge Wanderi, Irene Cherop Masit na Justus Obonyo Nyang'aya baada ya bunge la kitaifa kupitisha majina yao siku ya Jumatano.

by Samuel Maina Habari

Rais Uhuru Kenyatta ameteua rasmi makamishna wanne wapya wa tume ya mipaka na uchaguzi nchini (IEBC).

Kenya ameteua Juliana Whonge Cherera, Francis Mathenge Wanderi, Irene Cherop Masit na Justus Obonyo Nyang'aya baada ya bunge la kitaifa kupitisha majina yao siku ya Jumatano.

Majina ya wanne hao yamechapishwa kwenye gazeti la kitaifa na wanatarajiwa kula kiapo hivi leo (Alhamisi.

Wanne hao watahudumu kwa kipindi cha miaka sita.

Hatua hiyo inamaanisha kuwa kwa sasa IEBC imetimiza idadi ya makamishna wanaohitajika kikatiba.

Kwingineko rais pia ameteua makamishna watano wa tume ya kuajiri waalimu nchini (TSC) na kumaliza shida iliyokuwepo.

Rais ameteua Nicodemus Ojuma Anyang, Christine Kahindi, Anneta Wafukho na Salesa Adano, na Sharon Chelagat kujiunga na TSC kwa kipindi cha miaka sita.

Rasmi: Rais Kenyatta ateua makamishna wapya wa IEBC waliopitishwa na bunge la kitaifa

Makamishna wateule wa IEBC waapa kutojiuzulu licha ya shinikizo

Mwisho wa BBI!Mahakama ya rufaa yazima mchakato wa BBI

Rais Kenyatta ameteua Francis Wanderi, Justus Abonyo, Juliana Cherera na Irene Cherop kuwa makamishna wa IEBC