logo

NOW ON AIR

Listen in Live

EACC yawakamata wanachama 6 wa bodi ya huduma ya maji kwa madai ya ufisadi

Watashtakiwa kwa makosa mbalimbali yakiwamo ya kutofuata kwa makusudi sheria.

image
na Radio Jambo

Habari01 February 2023 - 14:12

Muhtasari


  • Tume ilisema washukiwa hao wanazuiliwa katika afisi ya Mkoa wa Bungoma wakisubiri kufikishwa mahakamani
Makao yatume ya maadlili na kupambana na ufisadi

Tume ya Maadili na Kupambana na Ufisadi Jumatano iliwakamata wanachama sita wa Bodi ya Huduma ya Maji ya Rift Valley kwa madai ya ufisadi.

Tume hiyo ilisema katika taarifa yake tuhuma zinazowakabili sita hao kuhusiana na utoaji wa kandarasi kinyume na utaratibu wa ujenzi wa Mradi wa Majisafi na Usafi wa Mazingira wa Malaba, Ujenzi wa Usambazaji wa Maji kwa gharama ya Sh600 milioni.

"Sita hao ni pamoja na Maafisa wanne wa Bodi ya Huduma za Maji katika Bonde la Ufa waliokamatwa katika maeneo ya Nakuru na Eldoret na maafisa wawili kutoka Bodi ya Huduma ya Maji ya Ziwa Victoria Kaskazini waliokamatwa kwa wakati mmoja katika kaunti za Nandi na Kakamega," EACC ilisema.

Tume ilisema washukiwa hao wanazuiliwa katika afisi ya Mkoa wa Bungoma wakisubiri kufikishwa mahakamani katika Mahakama ya Kupambana na Ufisadi ya Bungoma siku ya Alhamisi.

Watashtakiwa kwa makosa mbalimbali yakiwamo ya kutofuata kwa makusudi sheria.

 

 

 

 


RADIO JAMBO FREQUENCIES

Kisumu 100.1 | Mombasa 92.3 | Nakuru 96.9 | Eldoret 99.5 | Nyeri 99.3 | Nyahururu 97.3 | Webuye 95.3 | Meru 92.7 | Kitui 104.9 | Kibwezi 104.7 | Voi 105.7 | Malindi 98.1 | Lamu 104.7 | Narok 97.3 | Kapenguria 99.7 | Kisii 89.3 | Garissa 104.3 | Maralal 97.3 | Lodwar 92.7


logo© Radio Jambo 2024. All rights reserved