Drama!Mwanamume akatiza mkutano wa Chebukati na wagombea Urais
- Ruto aliwakilishwa na Gavana wa Turkana Josphat Nanok na katibu mkuu wa UDA Veronica Maina
- Mgogoro wa wagombea wote ni upatikanaji wa mfumo shirikishi wa utambuzi wa wapiga kura
Image: EZEKIEL AMING'A
Mwanamume mmoja Jumatano alisababisha hali ya taharuki wakati wa mkutano kati ya wagombeaji urais na IEBC kuhusu kujitayarisha kwa wapiga kura.
Mtu huyo asiyejulikana alimwendea mwenyekiti wa IEBC Wafula Chebukati na bango na kutoa matakwa wakati Chebukati alipokuwa akikaribia kuwaalika wagombeaji kueleza wasiwasi wao.
“Ninachotaka ni uhuru,” alisikika mtu huyo ambaye hakufahamika jina lake akipiga kelele huku watu wa taratibu wakimbeba bega juu kutoka nje ya chumba hicho.
IEBC kwa sasa inapokea maswala kutoka kwa wagombeaji urais yanayohusu michakato ya uchaguzi katika hoteli ya Windsor, Nairobi.
Mgogoro wa wagombea wote ni upatikanaji wa mfumo shirikishi wa utambuzi wa wapiga kura.
Isipokuwa William Ruto wa UDA ambaye hayupo kwenye mkutano huo, Raila Odinga wa Azimio, kiongozi wa Roots Party George Wajackoyah na David Mwaure Waihiga wa Agano wote wako pamoja na wagombea wenza wao.
Ruto aliwakilishwa na Gavana wa Turkana Josphat Nanok na katibu mkuu wa UDA Veronica Maina.
Mkutano huo ulitokana na nia ya tume kutotumia daftari la wapiga kura kwa mwongozo kuwatambua wapigakura siku ya uchaguzi endapo vifaa vya Kims vitashindwa.