Karua amblock Twitter mwanadada aliyeshiriki mchango wake, sahani ya chakula 50K

Mjasiriamali na mwasisi wa shirika la kutetea haki za mtoto wa kina la Aminia Dada Damaris Mabeya amesikitishwa baada ya kugundua kwamab aliyekuwa rafiki wake na mgombea mwenza wa Azimio One Kenya Martha Karua alimpiga ‘block’ kwenye Twitter.

Mabeya alipakia picha za kudhibitisha hilo na kushangaa hajui ni nini kilitokea kati yake na Karua mpaka kufungiwa kutoona kile ambacho mwanasiasa huyo anafanya kwenye mtandao wa Twitter.

Mabeya alidokeza kwamba alikuwa ni mtu wa karibu sana na Karua na hadi alishiriki hafla ya chakula cha jioni iliyoandaliwa na Karua ili kuchangisha fedha za kufahdili kampeni za Azimio mnamo mwezi Mei mwaka huu, hafla ambayo chakula sahani moja kilikuwa kinauzwa kwa shilingi elfu 50 pesa za benki kuu ya Kenya.

“Jinsi ilianza nilipoenda kwa chakula cha jioni cha Martha Karua na jinsi inaendelea sasa,” Mabeya aliandiak huku akifuatisha udhibitisho kwamba kweli Karua amemlisha ‘block’ kwenye Twitter.

Watu wengi walicheka huku wengine wakimuambia kwamba huenda alijipata katika hali hiyo baada ya pengine kuandika kitu cha kumkejeli Karua baada ya Azimio kupoteza kura na pia kesi waliyopeleka mahakama ya upeo kutaka kubatilishwa kwa ushindi wa Ruto.

“Mbona mambo mabaya hutendeka kwa watu wazuri? Sio jambo la kuzua mzaha bana na hicho chakula cha jioni kilikuwa sahani ni nusu laki,” Mabeya aliandika kuwajibu wale waliokuwa wakimchekelea.

Wengine walisema mwanasiasa huyo aliyebatizwa jina la Mama bila mchezo amefungia watu wengi kutoona akaunti yake ya Twitter kutokana na kumkejeli.

“Akaunti ambazo Karua amefungia Twitter ni nyingi kuliko zile kura alizolea Azimio,” Mmoja alizua utani wa kejeli.