Jamaa aliyefanyiwa upasuaji wa kijinsia kuwa mwanamke azungmzia athari yake miezi 11 baadaye

‘Aryan’, mwana wa Sanjay Bangar; mchezaji wa zamani wa kriketi ameelezea athari  ambazo kwa mujibu wake anaisi miezi 11 baada ya kufanyiwa upasuaji wa kubadilisha jinsia ya kuwa mwanamke kutoka kwa mwanamume.

Kwenye ukurasa wake wa Instagram kitengo cha matukio(stories) ‘Aryan’ ambaye alibadilisha jina na kuwa Anaya amesema kuwa tangu kufanyiwa upasuaji huo, amepata furaha zaidi, anatumia nguvu kidogo na kupungua kwa hofu ya kutokuwa mkamilifu maarufu kama dysphoria pamoja na mabadiliko ya mwili.

Anaya amesema kuwa licha ya kuafikia hayo yote, bado angali na mwendo mrefu katika safari yake ya kujihisi kamili ila kila hatua anayopiga anajihisi akiwa yeye.

“Napoteza nguvu lakini ninapata furaha. Mabadiliko ya mwili, kupungua kwa dysphoria… bado mwendo ni mrefu lakini kila hatua nahisi nikiwa mimi zaidi.”  Aliandika Anaya kwenye Instagram.

‘Aryan’ mwenye umri wa miaka 23 alibadilisha jina baada ya kufanyiwa upasuaji huo na kujiita Anaya Bangar ikimaanisha kuwa anajitambua kama jinsia ya kike na wala si ya kiume.

Anaya alifanyiwa tiba ya kubadilishiwa homoni (Hormone Replacement Therapy, HRT) hivyo basi jinsia yake ikabadilika.

Mnamo tarehe 9 Julai mwaka huu, Anaya alichapisha kwenye Instagram yake picha mbili moja akiwa ‘Aryan’ na nyingine akiwa Anaya akisherehekea miezi sita tangu kufanyiwa matibabu ya kubadilisha homoni.

Wakati huo Anaya alieleza kuhusu maamuzi magumu aliyofanya huku upande mwingine akisherehekea ufanisi alioupata kutokana na maamuzi aliyoyafanya.

“Kutoka kwa wakati wa huzuni, ukandamizaji na aibu hadi kupata furaha ya kweli katika mageuzi ambayo yamekuwa ya ajabu. Miezi 6 ya HRT, changamoto zisizohesabika, maamuzi magumu na vita vya kila siku lakini nimefika hapa nikiwa na nguvu Zaidi na amani tele.”  Alisema Anaya.

Anaya amekuwa akichapisha picha za mabadiliko ya mwili wake kila baada ya miezi kadhaa kuonyesha namna mabadiliko yanafanyika.