RIP! Mwanamke aliyefanyiwa upasuaji ili kufanana na paka afariki

Sosholaiti wa Uswizi Jocelyn Wildenstein, ambaye alijulikana kwa upasuaji wake wa kubadilisha muonekano uliokithiri na talaka ghali, amefariki.

 Mkongwe huyo mwenye umri wa miaka 84 - ambaye alipewa jina la utani Catwoman, kwa sababu alikuwa amefanyiwa utaratibu maalum kwa lengo la kuonekana kama paka - alipata matatizo ya mapafu na aliaga dunia katika jumba la kifahari jijini Paris siku ya Jumanne.

 Mpenzi wake Lloyd Klein alithibitisha habari za kusikitisha za kifo cha sosholaiti huyo.

 Llyod aliliambia gazeti la People: "Tulikuwa na muda mzuri wa furaha usiku na tulikuwa tukijiandaa kwa ajili ya mwaka mpya, na tulilala kidogo ili tuonekane vizuri kabla ya kuvaa.

 "Kwa sababu ya ugonjwa wa phlebitis, miguu ilikuwa imevimba sana, na damu iliziba, na hakukuwa na oksijeni kwenye ubongo.

 "Na tulikuwa tunapumzika na nilipoamka, nikasema, 'Jocelyn, tunapaswa kuamka, tunapaswa kuvaa,' na alikuwa amepoa na alikuwa amekufa."

 Kando na sura yake, Bi Wildenstein - ambaye alijielezea kama mfanyabiashara wa sanaa kwenye Instagram, ambapo alikuwa na wafuasi milioni 1.1 - pia alijulikana kwa malipo yake makubwa ya talaka ya $ 2.5 bilioni (£ 1.7 bilioni).

 Huku akialiwa tarehe 5 Agosti, 1940, mjini Lausanne, Uswizi, hakuna mengi yanajulikana kuhusu malezi yake katika familia ya watu wa hali ya kati huko Uswizi isipokuwa kwamba alikuwa binti wa mnunuzi wa duka.

 Akiwa na umri wa miaka 17 maisha yake yalibadilika - alianza kuchumbiana na mtayarishaji wa sinema wa Uswizi Cyril Piguet.

 Baadaye alichumbiana na mtayarishaji filamu wa Uropa Sergio Gobbi kwa miaka mitano na alitumia muda wake mwingi kutalii Afrika, bara ambalo alilipenda sana.

 Maisha yake kama sosholaiti yalimruhusu kuhama katika duru za wasomi kote ulimwenguni, huku mfanyabiashara wa silaha wa Saudia Adnan Khashoggi akimtambulisha kwa mume wake mtarajiwa, marehemu Alec Wildenstein, alipokuwa safarini na marafiki zake nchini Kenya mwaka wa 1977.

 Baada ya kuolewa na bilionea wa Marekani mzaliwa wa Ufaransa na mfanyabiashara wa zamani wa sanaa ya wasomi mwaka wa 1978, alitengana naye mwishoni mwa miaka ya 1990 katika mojawapo ya talaka kubwa katika historia.

 Pendekezo lake la kufanyiwa upasuaji ili kuufanya uso wake ufanane na wa paka umeripotiwa kote kuwa unafanywa ili kumfurahisha mume wake wa zamani wa mbio za farasi.

 Bibi Wildenstein pia alikuwa mwindaji na rubani aliyekamilika, na alikuwa akipenda sanaa na mapambo.