Kim Kardashian afichua anaugua ugonjwa wa kupoteza kumbukumbu na 'kuona vimulimuli'

Kim Kardashian ni mwanamke mwenye shughuli nyingi. Ana shughuli nyingi sana hivi kwamba kukosa kupumzika vizuri kunaharibu kumbukumbu yake, alidai hivi majuzi.

Katika kipindi cha hivi punde zaidi cha The Kardashians, kilichorushwa hewani na Hulu wiki hii, mjasiriamali huyo tajiri ambaye pia ni staa wa vipindi vya uhalisia kwenye TV alidai kuwa ratiba yake yenye kushikika ilisababisha kupoteza kumbukumbu.

Alisema: 'Nilitazama TikTok na kuniona nikiwaendea watu, mashabiki ambao ninawajua na kuwapenda, nikiwaeleza siri zetu zote za SKIMS kuhusu jinsi tunavyozindua za wanaume hivi karibuni... kwa hakika sikumbuki hili.'

Ilihisi kama ndoto. Kama, nilienda? Nilidhani nimeota hivyo. Kama vile asubuhi hii nzima imekuwa ndoto kamili ya ukungu,' aliongeza.

Katika kipindi hicho, mama huyo wa watoto wanne, alilaumu ubongo wake kupoteza kumbukumbu kutokana na kukosa usingizi.

Lakini je, uhaba wa usingizi unaweza kusababisha kukatika kwa kumbukumbu? Ndiyo, kulingana na wataalam.

Tafiti kadhaa zinaonyesha kuwa usingizi ni muhimu kwa uimarishaji wa kumbukumbu - na kupata saa sita au chini yake kunaweza kuathiri kumbukumbu ya muda mfupi na ya muda mrefu.

Ukosefu wa usingizi huathiri sehemu ya ubongo inayoitwa hippocampus, ambayo ni muhimu kwa kuunda kumbukumbu mpya.