Niliamua kuwacha kuvuta bangi, sikunywi sana siku hizi, asema Huddah

Mwanashoshalaiti Huddah Monroe ameshauri kuwa  akili timamu ndio kila kitu.

Kupitia ukurasa wake wa Instagram, mwanashoshalaiti huyo amekiri kuwa aliamua kuwacha kutumia bangi  na tangu wakati huo, amekuwa na akili timamu.

Huddah ameongeza kusema kuwa aliamua kupunguza kiwango cha mtindi alichokuwa akitumia na siku hizi huwa hakunywi sana.

“Niliamua kuwacha kuvuta bangi, siku hizi huwa sinywi sana. Na wacha nikwambie, akili timamu ni kila kitu.”  Aliandika Huddah kwenye ukurasa wake wa Instagram.

Mapema mwaka huu kwenye mtandao wa IG, mwanashoshalaiti huyo alisema kuwa uraibu wa pombe ndio janga kubwa linaloikumba taifa la Kenya na bara la Afrika kwa ujumla.

Wakati huo aliaema kuwa alifanya uchunguzi na kubaini kuwa kila wakati alikuwa anakunywa pombe ilikuwa inamfanya kuwa na hasira, kichwa ngumu na kuwa na machungu mengi mno.

Aidha Huddah amesema kuwa amewacha kuvuta bangi licha ya awali mwaka huu kusema kuwa ni afadhali kuvuta bangi badala ya kunywa pombe.

“Nikakunywa siku hizi kusherehekea sio kulewa na kuharibu mambo…Ninakuwa mtu mwingine. Hasira, uchungu na mkorofi. Kila kitu kinaniudhi nikiwa mlevi.” Alisema Huddah mwezi wa Juni kupitia IG yake.