Usuli wa msanii Ibraah na safari ya maisha yake

Usuli wa msanii  Ibraah  chimbuko na safari ya maisha yake

Ibrahim Abdallah Nampunga alimaarufu msanii ‘Ibraah’ alizaliwa Julai 3,1998 Dar es Salaam Tanzania,alisomea shule ya msingi ya Tandahimba Mtwara mwaka wa 2005-2011.

Msanii Ibraah alianza kuimba akiwa mchanga katika umri wa miaka minane,mara nyingi alionekana akiimba mara kwa mara akiwa shuleni na hata akiwa kwenye masoko mbalimbali.

Siku moja Ibraah akiwa katika soko moja akiwa amezamia desturi yake ya kuimba alikutana na mjomba wake kwa jina Mabrouk Nyoya alimaarufu Duke Boy aliyemsikiza akiimba na kuvutika na sauti yake nzuri ya kuimba na jinsi alivyokuwa akiyakariri maneno kwa ustadi.

Msanii Duke Boy alimpongeza Ibraah kwa kuonyesha ukakamavu wa kiwango kikubwa cha kuwa msanii mkubwa duniani, alimshauri kuasi kuviimba vibao vya wasanii wengine na badala yake akamurai ajitungie kibao chake na aimbe.

Duke alimhakishia Ibraah kuwa angefanya hima amkutanishe na msanii Harmonize ili waweze kusema na apewe  ushauri kuhusu kipaji chake na jinsi angekiinua zaidi, kauli ambayo Ibraah alifurahishwa nayo na akamshukuru Mjombawe bwana Duke.

Mnamo mwaka  wa 2016 msanii Ibraah  kupitia kwa juhudi za Duke aliweza kupatana na msanii Hamonize katika jukwaa moja ambapo aliimba hatimaye akaondoka pasi kupata muda mwafaka wa kusema na Harmonize moja kwa moja.

Mwaka wa 2020 msanii Ibraah alitoa kibao chake cha kwanza kilichoitwa NIMEKUBALI chini ya usimamizi wa Konde lebo.Kabla ya hapo alikuwa ameshirikiana na wasanii Skiibi na Joyboy kutoka Naijeria.

Hatimaye msanii Ibraah alishirikiana na msanii Harmonize wakacharaza kibao kwa jina One Knight Stand kibao ambacho kilisisimua mashabiki na kuteka anga sana,mashabiki wakavutiwa naye na kumuona kama msanii mchanga ila mwenye uwezo mkubwa kimziki tena kifikra.

Ibraah baada ya kuandaliwa mkeka wa kulalia na kujifahamu vyema jinsi ambavyo angeinuka zaidi alianza kuachilia mabomu ya vibao kimoja baada ya kingine mbavyo vilishamiri jumbe za mapenzi na nasaha za ndoa.

Baadhi ya vibao ambavyo Ibraah aliviachilia ni  Tunapendana mwaka wa 2022,Dharau 2024,Tubariki 2024,Nitachelewa, Wawa na Kibao chake kipya zaidi mwaka huu kiitwacho Wote kibao ambacho amekielekezea kwa wapenzi katika msimu huu wa Valentino.

Msanii Ibraah kwa sasa ni msanii taajika na ana wafuasi wengi sana wanaomfuatilia kimziki katika mitandao mbalimbali ya kijamii si Instagram,mtandao wa X na Tiktok kwa ufupi kazi yake ni njema,msanii Ibraah alizaliwa katika jamii ya Maasai huko Tanzania.