Usuli wa msanii Diamond Platinamuz na safari yake kimziki

Usuli wa msanii Diamond Platinamuz  kimziki

Naseeb Abdul Juma Issack ndilo jina rasmi la msaani taajika Diamond Platinamuz jinsi anavyofahamika na wengi.

Diamond ni mtoto wa mzee Juma Issack na Mama Sanura Kasimu alizaliwa Oktoba 2,1989 Kasulu Kigoma Tanzania.Diamond Platnumz ni msanii wa kipekee mwenye uwezo na viwango vikubwa kimziki, kando na kujiita diamond yeye pia hujiita Simba.

Diamond ndiye afisa mkuu mtendaji wa kampuni ya Wasafi inayomiliki  vyombo vya Habari na kampuni ya kubashiri ya Wasafi Bet,kando na kuwa msanii Diamond vilevile ni  mtunzi wa nyimbo,mwigizaji na mfanyabishara Hodari.

Wimbo wake wa kwanza kuuimba unaitwa Toka mwanzo wimbo aliouimba akiwa na umri wa miaka kumi na minane (18)  enzi hizo akifanya biashara ya kuuza nguo mitaani, alipokusanya hela chache akajitosa studioni na kurekodi wimbo huo.

Diamond ni msanii wa kwanza Afrika wa pekee kufikisha wafuasi milioni mia tisa(900m)katika mtandao wa Youtube jambo ambalo lilimpa umaarufu afrika nzima na kupata hela nyingi sana hela ambazo zilimfanya kuimarika na kuwa shujaa kimziki.

Mwaka wa 2017 aliweka makubaliano na kampuni moja kwa jina ‘Universal Music’ iliyomsaidia kuzindua alibamu yake alioita kijana kutoka Tandale mwaka wa 2018 kwa juhudi za kuhakikisha kuwa anatamba kimziki vyema.

Diamond ni bingwa na shujaa kimziki kwani alivitoa vibao vingi na kutoa alibamu nyingi za mziki huku miziki yake ikipendwa na mashabiki wake Afrika nzima na hata nje ya Afrika,Diamond ambaye hujiita Simba mara nyingi ni kipenzi cha wengi na ni chukizo la wachache.

Baadhi ya nyimbo zake alizoimba ni Enyoy mwaka wa 2023,Mtasubi 2022,Naanzaje,Marry you,Lala Salama na Moyo kibao ambach ni kipya zaidi katika macho ya mashabiki na ambacho amekizindua kuashiria kuwa yungali na kucha kimziki kuparuza na kuwaonyesha wanamziki wenzake kuwa koti la babu siku zote huwa halikosi chawa.

Itakumbukwa vyema zaidi kuwa mnamo Desemba 12,2024 Simba alikuwa amewekesha nafasi na kuratibiwa kushiriki katika hafla moja ya mziki jukwani kwenye sherehe zilizoitwa Furaha katika uga wa Nairobi Polo baada ya kutia mfukoni kitita cha shilingi milioni kumi na tisa(19m).

Lakini mwishowe hakuweza kupanda jukwaaani kwa kile alikitaja kuwa alicheleweshwa sana kupewa fursa ya kupanda jukwani kuwatumbuiza mashabiki na alitaja pia hali ya usalama kama chanzo kikuu kilichofanya akasusia.

Hata hivyo alikanusha madai ya wengi kuwa alimuogopa msanii Willy Paul wa Kenya ambaye alikuwa katika hafla hiyo akisema kuwa yeye ni mtu mstaarabu na mwenye heshima kuu sana kwa kila mwamziki hivyo hawezi kuogopa wala kuchochea uhasama kwa wanamziki wenzake.