•Itumbi amesema siku hiyo ilianza vyema na alikuwa katika hali ya kusherehekea kabla ya hali kubadilika kadri siku ilivyoendelea.
•Mwanablogu huyo amesisitiza kwamba ndio amevunjika ila hajaharibiwa. Amesema kwa sasa amepata nguvu na ujasiri zaidi.
Image: HANDOUT
Mwanablogu mashuhuri Dennis Itumbi amesimulia matukio yaliyojiri mnamo Desemba 23 mwaka jana.
Kupitia chapisho la mitandaoni Itumbi amesema siku hiyo ilianza vyema na alikuwa katika hali ya kusherehekea kabla ya hali kubadilika kadri siku ilivyoendelea.
Mtaalamu huyo wa naibu rais wa masuala ya kidijitali amesema alipatana na marafiki kadhaa na kugawana nao sikukuu kabla yake kuelekea kwenye kinyozi ambako alidai kuwa alitekwa nyara.
"Siku ya 23 Desemba, 2021 ilianza vyema. Ilikuwa ni moja ya siku hizo nadra, ambayo ilikuwa rahisi na baridi. Kisha ilikuwa wakati wa kulipa bili chache na pia kushiriki Krismasi na baadhi ya watu. Kulikuwa pia na mkutano wa Alasiri na rafiki mzuri.Nilikuwa katika hali ya kusherehekea.
Kuna Mama Mikeambaye huuza mboga- tulizungumza nikamnunulia kuku akanisihi aniombee. Alisema sala fupi ya baraka.
Kisha marafiki zangu wanaouza nguo kabla tu ya barabara - nilikunywa kreti chache za Soda na kila mmoja wao. Sina nyingi, lakini huwa najaribu kugawana kadiri niwezavyo kwa sababu nilifundishwa zamani sana kwamba kushiriki si zao la kuwa nayo bali ni Upendo, hata ukiwa na kidogo.
Kuna Masai, ameniuzia magazeti kwa zaidi ya miaka minane sasa, siku hiyo sikuwa nanunua karatasi, nilimwambia huku nikigawana naye Krismasi.
Alinishukuru na kuniambia alitaka kunipa zawadi ya gazeti la kusoma wakati wa Krismasi. Kisha watu wa Boda, nikiwasalimia waliniambia walikuwa wamepoteza mmoja wao, siku mbili zilizopita na kunipa kitabu chao cha mchango.
Niliwafariji, nikaongeza mchango wangu na kisha nikagawana nao hazina ya Krismasi ili washiriki na kununulia familia zao. Rafiki yangu alinipigia simu kusema alikuwa anachelewa, kwa hivyo niliamua kuingia kwenye kinyozi kilichokuwa karibu" Itumbi alisimulia.
Mwanablogu huyo amesema alipokuwa anaondoka kwenye kinyozi, jamaa watatu waliokuwa wameegemea kwa gari iliyokuwa hapo nje walisonga upande wake na kujitambulisha kama maafisa wa polisi.
Amesema baada ya jamaa hao kujitambulisha kama polisi walimchukua , wakampora vitu alivyokuwa navyo mfukoni na kumsukuma ndani ya gari aina ya Premio.
"Wakiwa wanafanya hivyo, niliwapigia kelele marafiki zangu wa sehemu ya kuosha magari, saluni na kinyozi nikisema, "Chukueni number plate, na muweke Facebook, twitter na kila mahali..."
Kwa sasa walikuwa wakinisukuma ndani ya Premio, mmoja alikuwa akinifunga pingu kwenye mikono yangu kwa nyuma, mwingine akinifumba macho. Katika kipindi cha dakika moja mmoja alikuwa mfukoni mwangu ikichukua pesa, simu na funguo za gari" Amesimulia Itumbi.
Itumbi ameeleza kwamba baada ya 'polisi' hao kufanikiwa kumchukua kwa gari lao walipiga ripoti kituoni kwamba tayari walikuwa wamemteka nyara.
Amesema kwamba maafisa hao waliambiwa badala ya kumpeleka kituoni waendeshe gari kuelekea upande wowote kutokana na hofu ya kutambuliwa.
"Mkubwa wao aliyekuwa katika kiti cha mbele alikuwa kwenye Radio ya Mawasiliano ya Polisi akitangaza habari njema ya kutekwa nyara kwangu.
"Logistics, tumemkamata,"
"Thibitisha utambulisho ni mzuri,"
"Mzuri bwana, lakini kuna shida ndogo, hakuwa kimya, alipiga kelele, raia walipata habari"
"Mabadiliko ya mipango, msikuje kituoni, endelea kuendesha gari, uelekee upande wowote,"
"Nambari ya sahani inaweza kusambazwa,"
"Endesha hadi ...(sauti isiyosikika), kisha subiri mabadiliko ya gari," Itumbi alisimulia.
Alisema kwa wakati huo simu zake zilikuwa zinapigwa mara kwa mara na maafisa wale walishinda wakimlazimisha azizime.
Mwanablogu huyo amesisitiza kwamba ndio amevunjika ila hajaharibiwa. Amesema kwa sasa amepata nguvu na ujasiri zaidi.