AstraZeneca yaondoa chanjo yake ya Covid ulimwenguni kote baada ya athari adimu na hatari

AstraZeneca inaondoa chanjo yake ya Covid ulimwenguni, miezi kadhaa baada ya kampuni kubwa hiyo ya dawa kukiri kwamba inaweza kusababisha athari adimu na hatari, toleo la Uingereza, Daily Mail limeripoti.

Chanjo hiyo iliyotengenezwa na Chuo Kikuu cha Oxford, haiwezi tena kutumika katika Umoja wa Ulaya baada ya kampuni hiyo kuondoa kwa hiari 'idhini yake ya uuzaji', inayoanza kutekelezwa Mei 7.

Maombi sawa na hayo ya kuondoa chanjo hiyo yatafanywa katika nchi nyingine ambazo ziliidhinisha hapo awali.

Mamlaka ya Bidhaa za Tiba ya Australia ilisitisha matumizi ya chanjo mnamo Aprili 2023.

Chanjo hiyo, ambayo mara moja ilitangazwa kama 'ushindi kwa sayansi ya Uingereza', imechunguzwa vikali katika miezi ya hivi karibuni kwa athari ya nadra sana inayosababisha kuganda kwa damu na hesabu za chini za chembe za damu.

AstraZeneca ilikubali mwezi Februari kwamba chanjo hiyo inaweza, katika hali nadra sana, kusababisha Thrombosis yenye Ugonjwa wa Thrombocytopenia - ambayo imehusishwa na vifo zaidi ya 80 nchini Uingereza pamoja na mamia ya majeraha mabaya, Daily Mail walieleza Zaidi.