Muhtasari
•Waziri wa Usalama wa Ndani Kithure Kindiki ametangaza Jumatatu, Juni 17 kuwa sikukuu ya umma.
Jiandae kwa wikendi ndefu!
Serikali ya Kenya, kupitia waziri wa Usalama wa Ndani Kithure Kindiki imetangaza siku ya Jumatatu, Juni 17 kuwa sikukuu ya umma.
Sikukuu hiyo imetangazwa kwenye gazeti rasmi ya serikali. Siku hiyo imetengwa kuadhimisha Eid-Al-Adha.
Sherehe ya Eid-ul-Adha ni kukumbuka kujitolea kwa Nabii Ibrahim kwa Mwenyezi Mungu na utayari wake wa kumchinja mwanawe, Ismail.
Sikukuu ya Sadaka ni mojawapo ya sikukuu mbili muhimu za Uislamu.
Ni muhimu hasa kwa sababu ni alama ya mwisho wa Hija ya kila mwaka au Hija ya Makka, inayoadhimishwa katika mwezi wa mwisho wa kalenda ya Kiislamu.