NOW ON AIR

Rais wa North Korea alia machozi akiwabembeleza wanawake kuzaa ili kuokoa kizazi cha taifa

Alionekana kujaribu kuzuia machozi katika hotuba yake huku akitoa wito kwa wanawake kusaidia kuimarisha nguvu ya taifa.

na MOSES SAGWEjournalist

Kimataifa05 April 2025 - 10:23

Muhtasari

Bw Kim alionekana akipapasa macho yake kwa kitambaa katika wakati adimu wa hisia alipokuwa akihutubia Mkutano wa Kitaifa wa Akina Mama mjini Pyongyang.
Wataalamu wanaamini kuwa familia nyingi mpya hazina zaidi ya mtoto mmoja nchini Korea Kaskazini kwa sababu "zinahitaji pesa nyingi kulea watoto wao".
Alionekana kujaribu kuzuia machozi katika hotuba yake huku akitoa wito kwa wanawake kusaidia kuimarisha nguvu ya taifa.

Kim Jong Un, rais wa North Korea akitokwa na machozi 2023//HISANI

TAIFA la Korea Kaskazini ni moja ya mataifa mengi tu katika bara la Asia ambayo yanashuhudia kupungua kwa kasi ya kuzaana ambayo imeathiri ukuaji wa idadi ya watu katika miongo ya hivi karibuni.

"Matarajio ya Idadi ya Watu Duniani 2024" ya Umoja wa Mataifa inakadiria kuwa kiwango cha kuzaliwa nchini humo kimepungua polepole kutoka 2.17 katika miaka ya 1990 na 1.92 katika miaka ya 2000, hadi 1.86 katika miaka ya 2010s.

Mnamo 2025, idadi ya watu wa Korea Kaskazini inakadiriwa kuwa karibu milioni 26.57, na kiwango cha uzazi cha 1.77, kikionyesha kupungua kwa kiwango cha kuzaliwa na uwezekano wa kupungua kwa idadi ya watu siku zijazo.

Ni kutokana na data hizi za kuhuzunisha ambapo washikadau mbalimbali akiwemo rais Kim Jong-Un wamejitokeza na kutoa rai ya kipekee kwa kina mama wa taifa hilo kushika mimba ili kuokoa kizazi.

Ikumbukwe Desemba 2023, Kim Jong-Un katika moja ya hotuba zake kwa taifa, alionekana akilia na kufuta chozi wakati akiwabembeleza wanawake kukubali kuzaa.

Bw Kim alionekana akipapasa macho yake kwa kitambaa katika wakati adimu wa hisia alipokuwa akihutubia Mkutano wa Kitaifa wa Akina Mama mjini Pyongyang.

Alionekana kujaribu kuzuia machozi katika hotuba yake huku akitoa wito kwa wanawake kusaidia kuimarisha nguvu ya taifa.

"Kukomesha kushuka kwa viwango vya kuzaliwa na kutoa malezi bora ya watoto na elimu ni masuala yetu yote ya familia ambayo tunapaswa kutatua pamoja na mama zetu," Bw Kim aliambia mkutano.

Wataalamu wanaamini kuwa familia nyingi mpya hazina zaidi ya mtoto mmoja nchini Korea Kaskazini kwa sababu "zinahitaji pesa nyingi kulea watoto wao".

Ombi la Bw Kim la kutokwa na machozi ni tofauti kabisa na mipango ya kudhibiti uzazi iliyoanzishwa na Korea Kaskazini katika miaka ya 1970s na 80s ili kupunguza kasi ya ongezeko la watu baada ya vita.

Kisha katikati ya miaka ya 1990s, njaa ilikadiriwa kuua mamia kwa maelfu ya watu, na kupelekea kiwango cha uzazi katika nchi hiyo kupungua sana, kulingana na ripoti iliyochapishwa mwezi Agosti 2023 kutoka Taasisi ya Utafiti ya Hyundai yenye makao yake makuu Seoul.