Kangata akashifu serikali ya kaunti kwa kusitisha kambi za matibabu

Serikali ya kaunti ya Muranga imemuagiza seneta Kangata kusitisha huduma za kambi za matibabu kutokana na janga la COVID 19

na Radio Jambo

Habari22 May 2021 - 09:25

Muhtasari

•Serikali ya kaunti ya Muranga imemuagiza seneta Kangata kusitisha huduma za kambi za matibabu kutokana na janga la COVID 19

Seneta wa Murang’a, Irungu Kang’ata amekashifu kitendo cha serikali ya kaunti kujaribu kusitisha kambi zake za matibu.

Afisa wa jela adaiwa kuibia kikundi watafuta kazi zaidi ya Sh200m

Kupitia ujumbe aliochapisha kwenye ukurasa wake wa Twitter, Kangata ametaja tendo hilo kuwa haramu;.

“Nia ya serikali ya kaunti ya Murang’a kusitisha kambi zangu za matibabu ni haramu. Hii ni kukiuka haki za wagonjwa wanyonge kwa kuwanyima matibabu bure ya hali ya juu yanayosaidia yale ya hospitali za kaunti” Kang’ata aliandika.

Attempt by Muranga County government to suspend my medical camps is illegal. This violates rights of poor patients to receive quality,free healthcare that supplements county services. pic.twitter.com/B7L69fNqI9
— Irungu Kang'ata (@HonKangata) May 21, 2021

Kangata alikuwa anasema haya kutokana na barua ya kusitisha huduma hizo aliyopokea siku ya Alhamisi kutoka kwa waziri wa afya katika kaunti ya Muranga, Joseph Mbai.

Kwa upande wa serikali ya kaunti hiyo, Mbai alieleza kuwa huduma zile zilikuwa zimesitishwa kutokana na janga la COVID 19.