Kenya imethibitisha kisa cha tano cha virusi vya Mpox.
Katika taarifa ya siku ya Ijumaa, Wizara ya Afya ilisema kisa hicho kilithibitishwa Jumatano.
Mgonjwa wa hivi punde ni mwanamke mwenye umri wa miaka 28 kutoka Mombasa, mkazi wa eneo la VOK.
Mgonjwa huyo, ambaye ni mke wa mwathiriwa wa nne kugunduliwa, ametengwa katika kituo cha kuthibiti wagonjwa wa Mpox cha Hospitali ya Utange.
Mgonjwa wa nne kwa sasa inashughulikiwa Nakuru.
"Mgonjwa hana historia ya kusafiri kwenda nchi inayoripoti ugonjwa wa Mpox, mume wake alikuwa amesafiri hivi majuzi kwenda Rwanda na kurejea Agosti 24," Waziri wa Afya Deborah Barasa alisema.
Kwa mujibu wa wizara hiyo, hadi sasa sampuli 124 zimewasilishwa kwenye maabara kwa ajili ya uchunguzi, huku 110 zikiwa hazina virusi na tisa zinaendelea kufanyiwa uchunguzi.
Kufikia sasa, wasafiri 687, 233 wamekaguliwa katika bandari 24 za kuingia kote nchini.
"Ufuatiliaji tendaji kwa wanaoshukiwa kuwa na kesi unaendelea ili kudhibiti kuenea kwa ugonjwa huo," Barasa alisema.
Takwimu za wizara zinaonyesha kuwa mawasiliano 33 kwa sasa yanaangaliwa, wakati kesi mbili kati ya tano zimepona.
