Mtihani wa mwisho wa KCSE kufanywa 2027

Mtihani wa mwisho wa Cheti cha Elimu ya Sekondari nchini (KCSE) utafanywa mwaka wa 2027.

Akizungumza Alhamisi, Mkurugenzi Mtendaji wa KNEC David Njeng'ere aliwasihi watu ambao wangependa kufanya mtihani huo kuhakikisha wamefanya vile kabla ya 2027.

Njegere alitoa tangazo hilo katika Mtihani House, Nairobi wakati wa kutolewa kwa matokeo ya mtihani wa KCSE 2024.

"Ningependa kukumbusha umma kwamba mtihani wa mwisho wa KCSE utasimamiwa 2027. Kwa hivyo, tunataka kumwalika mtu yeyote ambaye angependa kufanya marudio ama kwa sehemu au kamili ili kunufaika na nafasi tatu zilizosalia," Njegere alisema.

Matokeo ya mtihani wa Cheti cha Elimu ya Sekondari ya 2024 (KCSE) yalitatolewa leo, Januari 9, 2025.

Waziri wa Elimu Julius Ogamba alitangaza matokeo ya mtihani huo uliofanywa mwishoni mwa mwaka jana mwendo wa saa sita mchana. Matokeo yalitolewa katika makao makuu ya Knec Kusini C.

Mtihani wa KCSE wa 2024 ulifanyika Novemba katika vituo 10,755, huku kukiwa na rekodi ya watahiniwa 965,501, ongezeko kutoka watahiniwa 903,138 mwaka wa 2023.

Usahihishaji wa mitihani ulikamilika mnamo Desemba 13, 2024, baada ya mtihani. juhudi kubwa za watahini katika vituo 35 vilivyoteuliwa.

Kutolewa kwa Mitihani ya KCSE kunajiri siku chache baada ya Baraza la Kitaifa la Mitihani la Kenya kutoa ripoti za Tathmini ya Elimu ya Shule ya Msingi ya Kenya (KPSEA) 2024.