Kocha wa Real Madrid Ancelotti Mahakamani kwa kukwepa kulipa ushuru wa haki za picha

Kocha wa Real Madrid Carlo Ancelotti aliiambia mahakama ya Uhispania Jumatano kwamba aliamini masuala yake ya ushuru yalikuwa halali alipotoa ushahidi katika kesi ambayo anatuhumiwa kushindwa kulipa euro milioni moja ($1.08 milioni) kama ushuru kwa mapato ya haki za picha.

Akichukua msimamo siku ya kwanza ya kesi hiyo, Muitaliano huyo alisema kuwa wakati wa kujiunga na timu ya Uhispania alikuwa amepewa mshahara wa jumla wa euro milioni sita na alikuwa amewaachia klabu na mshauri wake wa Uingereza jinsi hiyo ilivyoundwa.

"Kwangu mimi, kila kitu kilikuwa sawa, sikuwahi kufikiria kufanya udanganyifu." Ancelott alisema.

"Nilidhani ilikuwa kawaida kabisa kwa sababu wakati huo wachezaji wote na kocha wa awali walikuwa wamefanya vivyo hivyo," aliongeza Ancelotti, ambaye alitoa ushahidi mahakamani.

Yeye ndiye wa hivi punde zaidi kati ya watu mashuhuri kadhaa wa soka kuchunguzwa na mamlaka ya ushuru ya Uhispania kwa madai ya udanganyifu wa kodi.

Baadhi ya wachezaji mashuhuri kama vile Cristiano Ronaldo wa Ureno na Diego Costa wa Uhispania wametulia nje ya mahakama na faini kubwa, wengine kama kocha wa Bayer Leverkusen Xabi Alonso waliamua kutetea kutokuwa na hatia mahakamani.

Mwendesha mashtaka anataka kifungo cha miaka minne na miezi tisa kwa Ancelotti na faini ya euro milioni 3.2 (karibu dola milioni 3.5) kwa makosa mawili ya ukwepaji kodi mnamo 2014 na 2015.

Inasemekana kuwa alikuwa ameripoti tu mshahara aliolipwa na Real Madrid na alikuwa ameacha mapato kutoka kwa haki zake za picha katika marejesho yake ya ushuru.

Ancelotti alisema kuwa haki za picha hazikuwa muhimu kwa makocha jinsi ilivyo kwa wachezaji.

"Kwa makocha (haki za picha) haimaanishi sawa na wanavyofanya kwa wachezaji kwa sababu hawauzi mashati," aliongeza.

Ancelotti, mchezaji wa zamani ambaye alichezea Italia mara 26 na kucheza Kombe la Dunia la 1990, alirejea Real Madrid kwa mara ya pili kama kocha mnamo 2021.

Ameshinda Ligi ya Mabingwa mara tano kama kocha, mara mbili akiwa na AC Milan na mara tatu akiwa na Real.