Berlin yazindua picha za Eliud Kipchoge kabla ya mbio Jumapili

Berlin ilimtukuza bingwa mara mbili wa Olimpiki Eliud Kipchoge mnamo Septemba 21 kwa sanaa ya kipekee ya mtaani iliyozinduliwa katika jumba la klabu ya Berlin Braves iliyoko mjini Berlin kabla ya mbio za Berlin marathon zinazotarajiwa kufanyika Septemba 24.

Sanaa ya mtaani inayomuonyesha mshikilizi wa rekodi ya dunia wa mbio za marathoni Eliud Kipchoge akipiga hatua kamili, inaangazia kurejea kwa gwiji huyo wa mbio kwenye mbio za BMW Berlin Marathon Jumapili hii ambapo ameweka rekodi mbili za dunia.

Kipchoge ameshinda mbio za Berlin marathon mara nne mwaka wa 2015, 2017, 2018, na 2022 huku akiweka rekodi ya dunia mwaka wa 2018 na 2022.

Mpango huo ulitayarishwa na kikundi cha wasanii wa Uholanzi Kamp Seedorf kwa ushirikiano wa karibu na kikundi cha mbio zisizo rasmi NN Running Team na usimamizi wa timu Global Sports Communication.

 

"Tumejipa changamoto kuunda kampeni ambayo iko mtandaoni na pia nje ya mtandao na tunatumai wakimbiaji na mashabiki wa Berlin watatiwa moyo na kazi ya sanaa ya Kamp Seedorf."

Kamp Seedorf alitaja kuwa kushirikiana na Kipchoge ilikuwa heshima kubwa kwa wasanii wa mitaani.

"Berlin daima imekuwa jiji la kutia moyo sana kwetu na upendo wetu kwa jiji pamoja na upendo wetu wa kukimbia Eliud Kipchoge mahiri hufanya ushirikiano huu mzuri kwetu."

Jumla ya wanariadha 45,000 wanatarajiwa katika makala ya mwaka huu ya mbio za marathon zilizopambwa zaidi.