Mlindalango mpya wa Manchester United Andre Onana alionyesha kuwa ataleta mengi zaidi katika timu ya Erik ten Hag kuliko uwezo wake wa kucheza mpira wakati wa kichapo cha 3-2 kutoka kwa Borussia Dortmund huko Las Vegas.
Kipa huyo wa Cameroon mwenye umri wa miaka 27, ambaye aliingia uwanjani wakati wa mapumziko, ana sifa ya kuonyesha hisia zake za hasira kwa wachezaji wenzake.
Alimkemea Harry Maguire kwa hasira baada ya pasi ya ulegevu aliyoitoa kwa Christian Eriksen iliyowapatia Dortmund nafasi.
Onana alimuacha Sebastian Haller kisha akakimbia kutoka kwenye goli lake na kumkosoa kwa hasira Maguire.
Nahodha huyo wa zamani wa United alishikilia ushauri wake, ambao ulikuwa ni zaidi ya ule unaoweza kutolewa kwa mlinzi mwenzake Brandon Williams katika tukio lingine tofauti.
Williams alihusika katika mechi ya kurushiana maneno na Tom Heaton, ambaye alianza golini huku safari ya United ya mechi tatu nchini Marekani ikimalizika kwa kushindwa mbele ya mashabiki 50,857 kwenye Uwanja wa Allegiant.
Antony aliisawazishia United lakini kosa lingine la safu ya ulinzi likajitokeza- safari hii kutoka kwa Aaron Wan-Bissaka, aliyeipa Dortmund umiliki wa mpira karibu na eneo la hatari – na hivyo kumuwezesha Youssoufa Moukoko kufunga bao la ushindi.
Ilikuwa jioni ya huzuni kwa Omari Forson mwenye umri wa miaka 18. Ikizingatiwa kuwa ilikuwa kuzingatia mechi yake ya nne ya kujiandaa na msimu mpya.
